Выбрать язык
Выбрать рассказ Ветхого Завета
Выбрать рассказ Нового Завета
Фараон израиль мир ёх ăт эсаԓсаԓы, па Турам египет мир ёх уԓапса шек ԓаварта пайтсаԓы. Тураман Моисей хона щиты ястаты пāртса: ”Ат кутапан кашӈ египет семьяйн ун пох сāрма питаԓ. Туп израиль мир ёха нэмаԓты атам ăт питаԓ.”
Па кашӈ израиль семья мушԓы ай ōш āт веԓаԓ, щи ай ōш тутан шарытаԓ па щи атан āт ԓэԓ. Щи вой y̆рн хот ов нумпи юх па питар¹ юхат мосаԓ нёсатты. Турма щит пос¹ питаԓ. ā ув щи израиль мир ёх хотат мохты манаԓ*а.
Израиль мир ёх иса щиты версэԓ, хоты Тураман пāртсайт. Ат кутапан кашӈ египет семьяйн оԓаӈ пох сāрма питас, ищиты фараон ун похаԓ сāрма питас. Щит яӈмет ԓаварт вер египет мир ёха ус. Щи атан фараон израиль мир ёх Египет мув эԓты манты пāртсаԓы. Манты хатԓэԓ ин унты емаӈ хатԓа верԓа, щи емаӈ хатаԓ Пасха¹ нэм тайԓ. ”Пасха” ясаӈ (еврей ясаӈ щиран ”песах”) щит ”мохты манты вер”, хун Турам израиль мир ёх хотат мохты манас, хун египет мир ёх ԓаварт вера пайтсаԓы.
Израиль мир ёх – ун мир ёх – ин Ханаан мува манты питсат хаԓа пелак¹ муват хуват. Израиль мир ёх Египет муван 430 таԓ ус.
Туп ван кеман фараон самаԓ шакас¹, муя ԓув израиль мир ёх эсаԓсаԓы, па соԓтанԓаԓ пиԓан ԓув юпеԓан нюхԓасас. Израиль мир ёх Урты нэмпи щарс пуӈԓа ёхатсат, па ԓув еԓпеԓан щарс шияԓаман, па ԓув юпеԓан египет ёх – мохет шек паԓтамасат. Туп Моисей ястас: ”Āԓ паԓаты! Турам нын юканана вуракат ещаԓт ԓойԓ, нын рома уԓаты!” Щи юпийн Турам Моисея щарс пеԓа ёшаԓ ништаты пāртас. Моисей щит верас, па Турам онтасан щарс йиӈк кат пелка манас, па воԓаӈ ун юш щарс йиӈк кутапан тыйс. Израиль мир ёх щарс паты хуват щарс па пелка матсат – па нох пайтассат. Египет мув ляль ёхат ищи учисат щарс па пелка манты. Туп хун ԓув щарс кутпа ёхатсат, щарс йиӈк лап пентамас па иса нюхԓасты ёх йиӈкан сāрма шуйԓасат. Щиты Турам āув мир ёхаԓ нох пайтас.
Манты вер (Исход) 11:1 - 15:21
*а мохты манты – здесь: пройти мимо
38 