Выбрать язык
Выбрать рассказ Ветхого Завета
Выбрать рассказ Нового Завета
Израиль мир ёх Урты нэмпи щарс хайсэԓ па Ханаан нэмпи мува хув юшеԓ питас. Щи мув израиль ёха Тураман маты ястаса. Турам туп юш уйтас, щит ураӈан āув оԓӈа манас. Хатаԓан Турам паԓ ващ аӈкаԓ хорпи паԓаӈ ԓыпийн*а манас. Атаԓан Турам тут хорпи аӈкаԓ ԓыпийн*б юш хутԓаман манас. Турам ԓувиԓаԓ Син нэмпи хоятԓы руваӈ мув хуват тус. Щита ёх лявта питсат па Моисея па Аарона ястасат: ”Египет муван муӈ нянь тайсув, па нын муӈев ԓэԓԓы пăртэв ураӈан ты тусԓан!”
Моисей па Аарон ястасӈан: ”Тураман нын Египет мув эԓты ты тусайты. Нын антом минэмна ликаӈа потартсаты – нын Турма ликаӈа потартсаты. āув нын лик потран хуԓсаԓы па нын ин ватԓаԓан, муй Турам вераԓ: āув нынан нёхи китаԓ па морты кем¹ нянь.”
Етан израиль мир ёх хонам тахая шек ун лощ щищки пукат¹ омассат. Щиты ԓув нёхи тайсат. Аԓаӈсахат ԓув муван амуй киярт¹ хорпи от шияԓасат. Туп щит антом ԓоньщ ус, щит Тураман мохета миям нянь ус. Израиль мир ёх щи нянь ”манная” айԓсэԓ. Щи манна эпаԓн¹ мёд щанька хорпи ус.
Турам манна щи арат акатты партас, муй арат верытԓат и хатаԓ кеман ԓэты. Па матты аршак ки акатсат, хащам от ат хуват атма йис. Туп ԓапат хутмет хатаԓан¹ манна акатты кат хатаԓ кеман Турам пāртас, ԓапат ԓапатмет хатаԓ (суббота, шаббат хатаԓ) емаӈ щутщаты хатԓа ус, па щи хатаԓан нэмаԓты хоят нэмаԓты рупата ăт верас. Па ԓапат хутмет хатаԓан кат хатԓа актам манна атма ăт йис.
Израиль мир ёх хоятԓы руваӈ мув хуват 40 таԓ яхсат, па иса щи порайн маннайн Тураман ԓапатсайт. Ипуш ԓув щимащ тахая ёхатсат, хота воԓԓы йиӈк антом ус. Щита Турам кев ур пуншас, па щиԓта сыстам ям йиӈк щёрыйс. Щиты Турам ā ув мир ёхԓаԓ ватман тайсаԓы.
Манты вер
*а паԓ ващ аӈкаԓ хорпи паԓаӈ ԓыпийн – в высоком облачном столбе
*б тут хорпи аӈкаԓ ԓыпийн – в столбе огненном
40 