Выбрать язык
Выбрать рассказ Ветхого Завета
Выбрать рассказ Нового Завета
Ар таԓ парас. Иаков па иса ԓув похԓаԓ сāрма питсат. Иаков похԓаԓ ар няврэм тайсат па пора хащман щитат эԓты ун мир ёх*а питас. Щи ёх израиль мир ёх нэм тайсат. Месопотамия мув эԓты Ханаан мува манман Иаков Тураман яԓап нэман маса – Израиль. Щит ураӈан Иаков эԓты еԓԓы уԓты ёхԓаԓ – еврейт (иудеят) – ин унты израиля айԓԓайт.
Иосиф сāрма питмаԓ юпийн ар таԓат матсат, Египет муван щимащ фараон кущая питас, матат нэмаԓты Иосиф эԓты па ԓув ям верԓаԓ эԓты ăт уйтас. āув ястас: ”Израиль ёх – шек ун мир ёх! Ëяль ки питаԓ, щи ёх вуракат пиԓан яха пайтасты верытԓат па муӈ ещаԓтэв ляля манты!”
Фараон израиль ёх ăтăт ара питтэԓ ураӈан шек ԓаварт рупатаятн рупитты пāртас. Туп израиль ёх мет аршака йиты питсат. Египет ёх паԓсат па ун лика питсат израиль ёх пеԓа па ԓувиԓаԓ мет ԓаварт рупата верты митъёха версаԓэԓ. Израиль ёх уԓапса шек куняр ус. Яԓап фараон порайн израиль ёх уԓапсаеԓ кеншака ăт йис, щишн израиль ёх шек-шек ԓаварт уԓапсаеԓ эԓты эӈаԓсат*б па Турам нётты вер эԓты пойкащсат. Турам ԓув пойкащԓаԓ хуԓԓас па номас понас āув мир ёхԓаԓ нох пайтты*в. Турам щи вер ураӈан Моисей нэмпи хоят пирийс.
Манты вер (Исход) 1:6 - 2:25
*аун мир ёх – большой народ
*бэӈаԓты – стонать
*внох пайтты – спасти, освободить
34 