Выбрать язык
Выбрать рассказ Ветхого Завета
Выбрать рассказ Нового Завета
Египет мува яйԓаԓ ёхатсат, Иосиф хоща ёхатсат па шāнша ԓув еԓпеԓан ракатсат. āув Иосиф ăт моштасэԓ, па Иосиф мохты яйԓаԓ уйтсаԓы, туп верантас, ищи матты ăт уйтԓаԓы ԓувиԓаԓ. āув такан ястас: ”Нын па мув эԓты вурак¹ ёх!” ”Антом, куща, – яйԓаԓ ястасат, муӈ вещкат¹ ёх, и ащи няврэмат, па муӈ ай апщев ёԓан хащас.” Иосиф ястас: ”Нын яна ки вещкат ёх, нын эԓтан ит тата āт хащаԓ, па ёхԓан ёхи нянь сэм āт туԓат. Щаԓта ай апщан ты туваԓан. Щи порайн ма эваԓԓам, матты нын вещката потартԓаты.”
Яйԓаԓ ёхԓы юша актащсат, туп Симеона Египет муван мосас хащтыя. Хун ёхи ёхатсат, ԓув иса ащеԓа потартсэԓ. Иаков самаԓ воԓԓы шакас*а па лик сахат ястас: ”Иосиф антом, ин антом Симеон! Вениамин ăт эсаԓԓэм!” āув хȳв ăт ԓаӈхас Вениамин похаԓ эсаԓты, туп хун няньԓы хащсат, мет ай похаԓ эсаԓсаԓы.
Яйԓаԓ па апщеԓ Египет мува ёхатсат па паԓтамасат, хун Иосиф ԓувиԓаԓ ԓув хотаԓа вохсаԓы. Иосиф митъёхԓаԓа ун пасан верты партас. Яйԓаԓ Иосиф хота ёхатсат, яха Иосиф пиԓан потартсат, ԓэсат. Икеман Иосиф хоԓԓамтас па яйԓаԓа ястас: ”Ма – Иосиф! Ащем хоԓна уԓ?” Щит хуԓман, яйԓаԓ шек паԓтамасат. Иосиф ԓувиԓаԓ ястас: ”Нын манэм Египет мува тынысԓан. Туп щи вер эԓты āԓ нумасаты! Тураман ма ты китсайм, нынан ԓыԓаӈа хащты ураӈа, хун няньԓы-ԓэԓԓы пора ёхатаԓ.” Щи юпийн Иосиф апщеԓ па яйԓаԓ апаԓмаман хȳв аматман хоԓԓас.
Хун фараона ястаса, хоты Иосиф хоща яйԓаԓ па апщеԓ ёхатсат, щит ԓувеԓа сама рахас. Фараон Иосиф яйԓаԓ, апщеԓ па ащеԓ Египет мува уԓты вохсаԓы. Иосиф ар мойԓапса ԓувиԓаԓ мас. Яйт ёхи мойԓапсайԓаԓ пиԓан ёхатсат. Хун Иаков хуԓсаԓы, муй Иосиф сāрма ăт питмаԓ, ԓув вера амтас па иса семьяйԓ пиԓан Египет мува манас. Аматман Иосиф ащеԓ пиԓан шияԓасӈан! Иосиф рутԓаԓ Египет муван уԓты хащсат.
Хоты иса муван уԓапса питас (Бытие) 42:5 - 50:26
*асамаԓ воԓԓы шакас – совсем расстроился
32 