Выбрать язык
Выбрать рассказ Ветхого Завета
Выбрать рассказ Нового Завета
Фараон шек аматман ус, хоты Иосиф ԓув уԓамӈаԓаԓ толмащсаԓы*а. Ищиты Иосиф хона нётты ясаӈ*б мас: ”Фараон ошаӈ па мутрайӈ хоят āт пирииԓ*в, щитэн оԓаӈ ԓапат таԓ нянь сэмат амбарата āт понаԓ. Щиты ки хоятат ԓэԓԓы сāрма ăт питԓат, хун ԓапат ԓэԓԓы таԓат ёхатԓат.” Фараон митхуйԓаԓа ястас: ”āув ԓыпеԓан Турам āыԓ¹ уԓ.” Фараон Иосифа ястас: ”Турам наӈен иса там верат пуншас. Щит ураӈан наӈ питԓан щи хоята, хой Египет муван нянь эԓты па иса верат эԓты нумасты питаԓ.” Фараон Иосиф ԓув юпеԓан кимет кущая версаԓы. Фараонан Иосиф тынаӈ сохан ԓуматтаса па сорнеӈ карты кеԓан сапԓа тахарса. Фараон пāртас кимет ԓув колесницайԓ Иосиф кеша ԓэщатты. Щиты хон Египет муван Иосиф эсаԓсаԓы иса верат кущая уԓты. Иосиф иса Египет мув хуват юша манас.
Щи ям няняӈ сытаӈ ԓапат таԓа йис, па Иосиф иса Египет мув хуват ун амбарата шек ар нянь сэм понты пāртас. Па хун няньԓы-ԓэԓԓы ԓапат таԓ ёхтас, Иосиф амбарԓаԓ пушсаԓы па хоятата нянь сэм тыныты питас. Египет муван па па муватан ԓэԓԓы вер шек ун ус. Ханаан муван ищи ԓэԓԓы порайт ёхатсат. Хун Иаков уйтсаԓы, муй Египет муван нянь сэм тыныԓа, ԓув тохи яӈ похԓаԓ китсаԓы. Туп мет ай Вениамин похаԓ ёԓан ащеԓ пиԓан хащас.
Хоты иса муван уԓапса питас (Бытие) 41:37 - 42:5
*атолмащты – здесь: истолковать
*бнётты ясаӈ – совет
*впиритты – выбрать
30 