Выбрать язык
Выбрать рассказ Ветхого Завета
Выбрать рассказ Нового Завета
Ипуш Иосиф яйԓаԓ ащеԓ хот войт хотэԓ эԓты еԓан шависэԓ. Ащи Иосифа ястас: ”Яйԓан ватты яӈха, тумтакат муй ԓув. Щаԓта ёхта па потарты манэм.” Иосиф юша манас. āув яйԓаԓ уйтты унты хȳв яӈхас. Яйԓаԓан ԓув еԓта шияԓаса па кут кутэԓан потартсат: ”Там муй, уԓам ватты отэв йиԓ! Муӈ ԓувеԓ уԓэв па сāрма пайтԓэв, мув уса вощкаԓэв, ёԓан ястаԓэв, ԓув ут войн ёхи ԓэса! Щи порайн ватԓэв, хоты ԓув уԓамӈаԓаԓ вера питԓат!”
Туп Рувим, мет ун яйԓ, ястас: ”Антом, ăт питԓэв ԓувеԓ сāрма пайтты, мув уса туп вощкаԓан.” Яйԓаԓ Рувим хуԓатсэԓ, па хун Иосиф ԓув хощаеԓ ёхтас, яйԓаԓан хорамаӈ сохаԓ нох эхса па ԓув мăԓ мув уса*б вощкаса.
Щи кеман ԓув тынасты ёх онас шияԓасат, щитԓан Египет мува пормасат тусат. Иуда нэмпи яй ястас: ”Тыныԓув Иосиф тынасты ёха, ăт питԓув ԓувеԓ сāрма пайтты.” Хун онас ԓув пуӈԓэԓан манас, яйт апщеԓ тынысэԓ. Тынасты ёхан Иосиф Египет мува туса.
Щи юпийн яйԓаԓ ōш*в веԓсат па Иосиф хорам сох ōш y̆рн нёсытсэԓ. Ащеԓ хоща щит тусэԓ па ястасат: ”Там муй муӈ уйтсув. Ванты, там наӈ похен сох муй антом?”Иаков мохты Иосиф сох уйтас па эвԓас, ут войн похаԓ ԓэса. Ащи шукаӈ ус па хȳв Иосифаԓ хуват хоԓԓас.
Хоты иса муван уԓапса питас (Бытие) 37:12-35
*а митху – здесь: раб
*б мăԓ мув ус – здесь: глубокая яма
*в ōш – здесь: козёл
24 