Выбрать язык
Выбрать рассказ Ветхого Завета
Выбрать рассказ Нового Завета
Иаков хуԓамхощьяӈ няврэм тайс: катхощьяӈ пох (Рувим, Симеон, Ëевий, Иуда, Дан, Неффалим, Гад, Асир, Иссахар, Завулон, Иосиф, па мет ай Вениамин) па и эви, Дина. Иса похԓаԓ эԓты Иаков Иосиф похаԓ мет сама рахман тайсаԓы, щи похаԓ сэма питас, хун Иаков яма пирщамасман ус.
Иосиф ԓапатхощьяӈ таԓ порайн Иаков похаԓа шек хорамаӈ сох мойԓас. Яйԓаԓ оша пайтсэԓ, Иосиф ащеԓан мет сама рахман тайԓа ԓув кутэԓан па Иосиф ун ликан этты питсэԓ.
Ипуш Иосиф уԓам шияԓас, па яйԓаԓа уԓам эԓты потартас. ā ув потартас: ”Хуԓантаты, муй хорпи оԓам ма ватсам. Ищи матты ки муӈ хар кутапан нянь торан ярԓув, па ма нянь торан паем*а нох туӈа ԓойс, нын нянь торан пайԓан еӈта ԓойсат па ма нянь торан паема ох потсат.”
Яйԓаԓ ԓувеԓ ястасат: ”Наӈ муй муӈ нумпеван хона питԓан?” Па мет таканшак яйԓаԓан ликан этты питса.
Иосиф па уԓам шияԓас, па щи уԓмаԓ ищи потартсаԓы: ”Ма уԓмисам, ищи матты ки най, тыԓащ па ихощьяӈ хȳс манэм ох понԓат.” Щи уԓмаԓ ащеԓа потартсаԓы. Ащеԓан ԓув ляваттаса: ”Муй па щимащ уԓам? Ма, наӈ аӈкен па наӈ яйԓан па апщен наӈ хощаен ёхатԓув мув унты ох понты?”
Яйԓаԓан ликан этса, туп ащеԓан щи потар номса понман тайса.
Хоты иса муван уԓапса питас (Бытие) 35:16-20; 37:1-11
*анянь торан пай – сноп хлебного злака
22 