Выбрать язык
Выбрать рассказ Ветхого Завета
Выбрать рассказ Нового Завета
Тынасты ёх Египет мува ёхатсат па Иосиф митхуя тынысэԓ Потифар нэмпи хоята. āув фараон*а шавиты ёх кутан кущая ус. āув хотаԓан Иосиф рупитты питас. Турам Иосифа иса нётас. Иосиф Турам пеԓа потартман ус. Муй Иосиф верас, иса яма тыйс. Потифар вантас, хоты пох яма рупитаԓ па пāртас ԓувеԓ хот митхуйт кутан кущая уԓты. Турам Потифар хота Иосиф ураӈан ям номас мас.
Иосиф шек хорасаӈ пох ус, па Потифар имия Иосиф сама рахас. āув Иосифа потарты питас: ”Ма хощаем ёхта! Манэма тамхатԓ ики юкана уԓа!” Иосиф ёхԓы ястас: ”Наӈ Потифар ими! Нэмаԓты порайн щиты ăт верытԓам верты! Щит – ун карэк Турам щиран.” Ар хатаԓ Иосиф нэӈан хущԓа, па Иосиф иса ăт хуԓантас.
Ипуш, хун нэмаԓты хоят ёԓан антом ус, Иосиф Потифар имийн сох эԓты куншемаса па ăт ԓаӈхаса эсаԓты. Иосиф сохаԓ хайсаԓы па хонтас, сохаԓ нэ ёшан хащас. Нэ шек ликащас па Иосифа атам верты номас ус. Хун Потифар ёхи ёхтас, имеԓан ястаса: ”Наӈ хота тувам еврей-митху ма хощаем ёхтыԓыйс манэм атма верты ураӈан. Хун ма такан увты питсам, ԓув ма пуӈԓэман сохаԓ хайман, хонтас. Ванты, там муй ԓув сохаԓ.” Потифар ликан этса па Иосиф касна хота вощкаты партсаԓы. Щи касна хотан фараонан опсатам ёхат усат.
Хоты иса муван уԓапса питас(Бытие) 37:36; 39:1-20
*а фараон – Египет хон
26 