Выбрать язык
Выбрать рассказ Ветхого Завета
Выбрать рассказ Нового Завета
Исаак па Ревекка похӈаԓан уна йисӈан. Ипуш щиты питас, Исав шек ликащас Иаков апщеԓ пеԓа па номас ус ԓувеԓ сāрма пайтты. Ревекка щит эԓты уйтас па Иакова ястас хонтаты Месопотамияя, ԓув рут муваԓа.
Иаков юшаԓ ар хатаԓ манас. Ипуш каман оԓты лот ԓэщатас, турам иԓпийн. Оԓтаԓ кеман тамащ уԓаман ёхатса: Иаков хомтэп шияԓас, щи хомтэп турам унты ус, па Турам ангелат¹ нохԓы па иԓԓы щи хомтэп хуват яхсат. Па Турам ԓувеԓ ястас: ”Ма – Турам, Авраам ун ащен Турам, па Исаак ащен Турам. Мув, хота наӈ оԓԓан, наӈена па наӈ няврэмԓана маԓԓам. Ма наӈ пиԓэнан уԓԓам па наӈен иса тахайн шавиԓэм, хоԓта туп наӈ ат матсан.” Щи юпийн Иаков нох верԓас. Матты кеман Иаков Ëаван акеԓ хоща ёхтас. Акеԓ хоща Иаков хус таԓ ус. ā ув нэ тус па няврэмат тайс.
Матты кеман Иаков рут муваԓа ёхԓы манты Тураман пāртса. Иаков семьяйԓ ус, митхуйԓаԓ, иса хот пормасԓаԓ, хот войԓаԓ па юша пайтасас. Ищипа Иаков Исав яйԓ семӈана пайтасты паԓас, нумасас, яйԓ хоԓна ликащаԓ ԓув пеԓайԓ. Рут муваԓа манман, Иаков онасаԓ ёхан хоща ёхтас. Иса онасаԓ Иаков ёхан па пелка тусԓы, па ԓув уча ёхан там пелакан хащас. Щита ԓув пойкащман y̆ра верас*а хатаԓ нох этты унты па Турма ястас: ”Манэм ям вера пайттэн унты ма Наӈен ăт эсаԓԓэм.” Па Тураман Иаков ям вера пайтса па ястаса: ”Там пора эԓты наӈ нэмен антом Иаков питаԓ, нэмен питаԓ Израиль, наӈ Турам пиԓан ура версан па ин пора унты хоятат эԓты наӈ āԓ паԓа.”
Щи вер юпийн Иаков Исав яйԓ пиԓан уйтантас. Исав апщеԓ апаԓтас, яйӈан хоԓԓастан, па ям нопса питсаӈан, Иаков Исав яяԓа ар мойԓапса мас. Щи юпийн Иаков Ханаан муван уԓты питас Сихем вош пуӈаԓан. āув ун хар и пелак ԓутас па шатёр хотат щита опсас. Щита ԓувеԓа таха верас, хота пойкащас па пумащипа ясӈат Турма ястас.
Хоты иса муван уԓапса питас (Бытие) 25:27; 27:1 - 33:20
*апойкащман y̆ра верас – здесь: в молитве был упрямым, стойким
20 