Выбрать язык
Выбрать рассказ Ветхого Завета
Выбрать рассказ Нового Завета
Пора хащас, Авраам Исаак похаԓ уна йис. Ипуш Авраам вещкат митхуйԓ вохас па ԓувеԓ рут Месопотамия муваԓа (Авраам мува) манты пāртсаԓы, па щиԓта Исаак ураӈан нэ тутыя.
Митху воша манас, хота Авраам рутат усат. Щи воша ёхатман, ԓув пойкащты питас: ”Куща Турам! Там муй, ма йиӈк аԓты лотан ԓойԓам, хоԓта вош эвет йиӈка яхԓат. Куща, Наӈ тамиты тыйты эсԓы: Ма ита ки ястаԓам: ”Мия манэм йиӈк ищтыя!” Па ԓув ястаԓ ки: ”Йиӈк иньща, ма наӈ верблюд войԓана ищи йиӈк маԓам”, – питаԓ щит, матэн Исаак кеша ԓэщатсэн.”
Хун митху хоԓна пойкащас, вош эԓты шек хорасаӈ эви этас. Щит Ревекка – Вафуил эви ус. Вафуил Нахор пох ус, Нахор Авраам пиԓан яйӈана усӈан. Хун митху йиӈк ищты вохас, эви воԓԓы щиты ястас, хоты ԓув Турам эԓты пойкащас. Па верблюд воита эвие ищи йиӈк мас. Хун уйтсаԓы, муй эви Вафуил эви, митху ун пумащипа Турма ястас.
Вафуил хота ёхатман, митху иса ёха потартас, хоты Аврааман рут мува китса похаԓ кеша нэ тутыя. Кимет хатаԓ аԓаӈсахат эви аӈкеԓан па яяԓан вохса па иньщасса: ”Кашащԓан муй наӈ там хоят пиԓан тамхатаԓ манты?” Ревекка кашащас, па иса ԓув семьяйԓ ищи кашащас, па Турам эԓты ям верат вохман Ревекка юша китсэԓ.
Щиты Ревекка Исаак хоща туса, па Исаак эви нэӈа тусԓы. ā ын сэма пайтсаӈан кат пох, Исав па Иаков. āын и кеман сэма питам отӈан усӈан, туп Исав еша Иаков эԓты оԓӈашак сэма питас па щит ураӈан оԓаӈ поха ус.
Хоты иса муван уԓапса питас (Бытие) 24:1-67; 25:20, 24-26
18 