Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАТФЕЙЛЭСЬ ӞЕЧ ИВОР

Глава 22

22-тӥ ЛЮКЕТ

1Иисус соослы ялан мадёнъёс пыр вераса улӥз. Со шуиз:2«Ин Эксэйлык пиезлы сюан карем эксэйлы укша.3Аслэсьтыз ляльчиоссэ со сюан юоназ ӧтем потоно муртъёссэ ӧтчаны ыстэм. Но соослэн лыктэмзы потымтэ.4Табере мукетъёссэ ляльчиоссэ ыстэм но шуэм: ”Вералэ ӧтем муртъёслы: сиён-юонэ дась ини. Кунянъёсме, сюдэм-куайытэм пудоме вандӥ, ваньмыз дась; лыктэлэ сюан юонам”.5Тае санэ понытэк, кин бусыяз, кин вузкарон интыяз кошкем.6Нош мукетъёсыз солэсь ляльчиоссэ кутыса сантэмаллям, вииллям.7Тае кылыса, эксэй туж вожзэ поттэм но, солдатъёссэ лэзьыса, быдтытэм та адями виылӥсьёсты, улон интызэс сутытэм.8Соку со ляльчиосызлы шуэм: ”Сюан юон дась, нош ӧтем муртъёс ярамонэсь вылӥллямтэ.9Озьы бере, мынэлэ сюрес вожъёсы но, кинэ шедьтӥды, ваньзэс сюан юонам ӧте”.10Со ляльчиос, сюрес вылэ потыса, ваньзэсты, кинэ шедьтӥллям, люкаллям: лекъёссэ но, лякытъёссэ но; сюанчиос корка тырос люкаськиллям.

11Эксэй сюанчиоссэ учкыны потэм но соос пӧлысь сюанчи дӥськутэн дӥсяськымтэ одӥг муртэ адӟем,12солы со шуэм: ”Юлтош! Кызьы тон татчы сюанчи дӥськутэн дӥсяськытэк пырид?” Нош со шып улэм.13Соку эксэй медоосызлы шуэм: ”Кутэ сое, суйзэ, пыдзэ думылэ но педло, пеймыт азе куштэ: отын бӧрдон, пинь сыскон луоз”.14Уго ӧтиськемъёс трос, нош быръемъёсыз ӧжыт».

15Соку фарисейёс кошкизы, вераськонысьтыз шексэ утчаса улӥзы, кызьы ке но янгыше уськытон вылысь кенешизы.16Иродлэн адямиосыныз ӵош Со доры асьсэлэсь дышетскисьёссэс ыстыса шуизы: «Дышетӥсь! Ми тодӥськомы, Тон шонер лэсьтӥсь шуыса, Инмарлэн сюресэзлы шонер дышетӥськод, кинлы но солы гинэ кельшыны турттыса уд улӥськы, нокыӵе но ымныр шоры уд учкиськы.17Озьыен, вера милемлы: кызьы кадь Тыныд потэ? Яра-а кесарьлы выт тырыны, уг яра-а?»

18Нош таослэсь кескич сямзэс шӧдыса, Иисус шуиз: «Малы тӥ Мынэсьтым визьме сынаськоды, чеберъяськисьёс?19Возьматэ Мыным выт тырон коньдондэс». Солы соос динарий вайизы.20Соослы шуиз: «Кинлэн татын тусбуез суредамын, кинлэн та гожтӥськемез?»21Солы шуо: «Кесарьлэн». Соку соослы Со шуэ: «Озьы бере, кесарьлэсьсэ кесарьлы сётэлэ, нош Инмарлэсьсэ – Инмарлы».22Тае кылыса, соос абдразы но Со дорысь потыса кошкизы.

23Со нуналэ Иисус доры улӟыса султон ӧвӧл шуись саддукейёс лыктыса Солэсь юазы:24«Дышетӥсь! Моисей шуиз: ”Нылпи кельтытэк кин ке кулӥз ке, со муртлэн выныз солэсь кышнозэ ас дораз мед ваёз но агаезлэсь выжызэ мед утёз”.25Милям пӧламы сизьым кузя агай-вынъёс вал: нырысетӥез кышнояськиз но кулӥз, нылпиез ӧвӧлысь кышнозэ вынызлы кельтӥз;26озьы ик кыкетӥез но, куинетӥез но, сизьыметӥез но – ваньзы.27Нош ваньзы бере кышномурт но кулӥз.28Озьыен, улӟыса султон дыръя сизьым пӧлысь кудзылы со кышно луоз? Со ваньзылы но кышно вал уго».29Иисус соослы ответ сётыса шуиз: «Гожтэмъёсты но, Инмар кужымез но тодымтэеныды, тӥ янгышаськоды.30Уго улӟыса султон дыръя уг но кышноясько, уг но бызё, Инмысь Инмарлэн Кылчинъёсыз кадь уло.31Нош кулэмъёслэн улӟыса султонзы сярысь Инмарлэсь тӥледлы верамзэ ӧд лыдӟе шат:32”Мон – Авраамлэн Инмарез, Исааклэн Инмарез, Иаковлэн Инмарез”? Инмар – кулэмъёслэн Инмарзы ӧвӧл, Со – улэпъёслэн Инмарзы».33Тае кылыса, Солэн дышетонэзлы калык паймиз.

34Иисуслэсь саддукейёсты гуньдытэмзэ кылыса, фарисейёс огазе люкаськизы.35Соос пӧлысь одӥгез, закон тодӥсь, Солэсь визьзэ сынаса юаз:36«Дышетӥсь! Законын кудӥз ваньмызлэсь бадӟымез курон-косон?»37Иисус солы шуиз: «”Инмардэ Кузё-Инмарез вань сюлмыныд, вань лулыныд, вань визьмыныд яраты”.38Та нырысетӥез но ваньмызлэсь бадӟымез курон-косон.39Кыкетӥез но таиз кадь ик: ”Матысьтэ астэ ачид кадь ик яраты”.40Та кык курон-косонъёс вылын возиське быдэс закон но пророкъёс».

41Фарисейёс люкаськем бере Иисус соослэсь юаз:42«Христос сярысь мар тӥ малпаськоды? Кинлэн Со пиез?» Солы шуизы: «Давидлэн».43Иисус соослы шуиз: «Нош Давид, Духен тыр луыку, кызьы Сое ”Кузё-Инмар” шуыса нима, куке шуэ:

44”Кузё-Инмар мынам Кузё-Инмарелы шуиз:
Тынэсьтыд тушмонъёстэ пыд улад понытозям,
Мынам бурпалам пук”?

45Озьыен, Давид Сое ”Кузё-Инмар” шуыса нима ке, кызьы нош Со солы пи луоз?»46Нокин но Солы пал кыл но вераны ӧз быгаты. Со нуналысен нокин но Солэсь юалляськыны ӧз дӥсьты ни.


*а 22:17 кесарь – Рим кунысь императоръёслэн (эксэйёслэн) данлыко титулзы

*б 22:19 динарий – Рим кунлэн уксёез

*в 22:44 Пс. 109:1


предыдущая глава Глава 22 следующая глава