Слово Твое - светильник ноге моей и свет стезе моей

Библия на финно-угорских языках



Библейские рассказы

Выбрать язык


Выбрать рассказ Ветхого Завета

Выбрать рассказ Нового Завета

ДУННЕЕЗ КЫЛДЫТОН. КУТСКОНЭЗ

Тӥ тодӥськоды, уй ке вуэ, югыт сётӥсь арбериосты кысо ке, ваньмыз тём-тём пеймыт пушкы вые. Сыӵе пеймытын куке но быдэс дунне улӥз. Соку турын-куар но, писпуос но, чебересь сяськаос но, тылобурдоос но, ин но, музъем но ӧй вал, быдэс дунне выл пеймытлык, ас понназ бугыръяськись-куашетӥсь маке вал. Таӵе луон-кылён Инмарлы кулэ ӧй вал, соин ик Со та паймымон дуннеез кылдытӥз. Асьмеос тодӥськомы, номырлэн но ас понназ кылдэмез уг луы шуыса. Асьмемыз котыртӥсь чебер, радъяськем дунне возьматэ, солэн туж быдӟым но туж визьмо Кылдытӥсез вань шуыса.

Священной Гожтэмын, Библиын, Инмарлэн кылдытэм дуннеез сярысь тазьы верамын:

«Кутсконаз ик Инмар инмен музъемез кылдытӥз.

Музъем вылтустэм, тырттэм вал, дунне вылын тём-тём пеймыт улӥз; Инмарлэн Духез вулэн йылтӥз поръяса ветлӥз.

Соку Инмар шуиз: югыт мед луоз. Югыт луиз. Югытлык ӟеч луэ шуыса, Инмар адӟиз; соку Инмар югытэз пеймытлэсь висъяз. Инмар югытэз нунал шуыса нимаз, нош пеймытэз – уй. Ӝыт вал, ӵукна вал: одӥг нунал.

Инмар шуиз: ву шорын юн маке мед луоз, со вуэз вулэсь мед висъялоз. Инмар юн макеез кылдытӥз; юн маке улысь но со вылысь вуэз ог-огзылэсь висъяз. Тазьы луиз. Инмар юн макеез ин шуыса нимаз. Ӝыт вал, ӵукна вал: кыкетӥез нунал.

Инмар шуиз: ин улысь ву одӥг интые мед люкаськоз, сюй выл мед потоз. Тазьы ик луиз. Инмар сюй вылэз музъем шуыса нимаз, нош огазе люкаськем вуэз зарезь шуыса нимаз. Инмар адӟиз та умой шуыса.Инмар шуиз: музъем мед будэтоз вож узьым, кидыс кизись турын, пӧртэм емыш сётӥсь писпуос мед будэтоз. Тазьы ик луиз. Музъем будэтӥз вож узьым, кидыс кизись турын, пӧртэм емыш сётӥсь писпуос будэтӥз. Инмар адӟиз та умой шуыса. Ӝыт вал, ӵукна вал: куинетӥез нунал».

Моисейлэн 1-тӥ книгаез. Улон-вылон 1:1-13


предыдущий рассказ 14 следующий рассказ