Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАТФЕЙЛЭСЬ ӞЕЧ ИВОР

Глава 19

19-тӥ ЛЮКЕТ

1Иисус та кылъёссэ вераса быдтэм бераз, Галилеяысь потыса, Иордан шур сьӧрысь Иудея музъеме вуиз.2Со бӧрсьы трос калык мынӥз, отын соосты Со йӧнатъяз.

3Иисус доры фарисейёс вуизы но, Солэсь визьзэ сынаса, Солы шуизы: «Котькыӵе мугъя но яра-а адямилы аслаз кышноеныз люкиськыны?»4Соослы ответ сётыса, Со шуиз: «Ӧд лыдӟе шат тӥ, Кылдытӥсь кутсконаз ик пиосмуртэн кышномуртэз кылдытӥз шуыса?»5Шуиз: «Соин ик пиосмурт атайзэ, анайзэ кельтоз но аслаз кышноез борды лякиськоз: кыкназы одӥг лулмугор луозы;6табере соос кык ӧвӧл, одӥг лулмугор ини. Озьыен, мае Инмар огазеяз, сое адями медаз люкы».

7Соос Солы шуо: «Кызьы нош Моисей люкиськон сярысь гожтэт сётыны но соин люкиськыны лэзиз?»8Соослы Со шуиз: «Тӥляд сюлэмды чурыт луэмен, Моисей тӥледыз кышноосыныды люкиськыны лэзиз, нош кутсконаз ик озьы ӧй вал.9Мон тӥледлы верасько: кин, азон-калгон сьӧлыке пырымтэ кышноеныз люкиськыса, мукетсэ кышно басьтэ ке, со азон-калгон сьӧлыке пыре; люкиськем кышномуртэз кузпал вайись но азон-калгон сьӧлыке пыре».10Дышетскисьёсыз Солы шуо: «Пиосмуртлэн кышноез азьын собыдӟа ке тэрытсконэз, ӧд ке кышнояськы, умойгес луоз».11Нош Со соослы шуиз: «Кинлы сётӥськемын, соос гинэ та кылэз пушказы тэрыто, ваньмыз уг.12Уго вань сузямъёс, кудъёсыз озьы анайзылэсь вордскиллям; вань на сыӵеос, кудъёссэ адямиос сузяллям; вань на сузямъёс, кудъёсыз Ин Эксэйлык понна асьсэзыз асьсэос сузяськем шуыса лыдъяло. Кин тае кабыл басьтыны быгатэ, кабыл мед басьтоз».

13Соку Иисус доры нылпиос ваемын вал, соослэн вылазы кизэ поныса Со мед вӧсяськоз вал шуыса; нош дышетскисьёсыз соосты пырыны лэзьытэк улӥзы.14Соку Иисус шуиз: «Лэзелэ нылпиосты, эн люкетэлэ соослы Мон доры ветлыны, таӵеослэн Ин Эксэйлыксы вань уго».15Вылазы кизэ тырем бераз отысь кошкиз.

16Тани, кыӵе ке но мурт лыктыса, Солы шуиз: «Ӟеч Дышетӥсь! Быронтэм улонэз басьтон понна мон мар умойзэ лэсьтыны кулэ?»17Нош Со солы шуиз: «Малы тон Монэ ”ӟеч” шуиськод? Одӥг Инмар сяна, нокин но ӟеч ӧвӧл. Быронтэм улонэ пыремед потэ ке, курон-косонъёсты быдэсъяса ул».18Солы шуиз: «Кыӵеоссэ?» Иисус шуиз: «Эн виы; азон-калгон сьӧлыке эн пыры; эн лушкаськы; ӧрекчаськыса ӧвӧлтэмзэ эн вера;19атайдэ но, анайдэ но сӥлы кар; матысьтэ астэ ачид кадь ик яраты».20Пинал пи Солы шуиз: «Ваньзэ тае мон пинал дырысеным ик быдэсъяй; мар уг тырмы на мыным?»21Иисус солы шуиз: «Дун-шектэм луэмед потэ ке, мын, юртъердэ вуза но кураськисьёслы сётъя; со понна тынад узырлыкед Инмын луоз; лыкты но Мон сьӧры мын».22Та кылэз кылыса, пинал пи ӝоже усьыса кошкиз, солэн бадӟым юртъерез вал уго.

23Нош Иисус Аслаз дышетскисьёсызлы шуиз: «Зэм ик тӥледлы верасько: секыт узыр муртлы Ин Эксэйлыке пырыны.24Эшшо верасько на тӥледлы: узыр муртлы Инмар Эксэйлыке пырон сярысь, верблюдлы капчигес вень пась пыр потыны».25Тае кылыса, дышетскисьёсыз туж паймыса шуизы: «Озьыен, кин бен утиськыны быгатоз?»26Иисус соос шоры учкыса шуиз: «Адямиослы со луонтэм, нош Инмарлы номыр но луонтэмез ӧвӧл».

27Соку Петр Солы ответ сётыса шуиз: «Тани ми ваньзэ кельтӥмы но Тон сьӧры мыныны потӥмы. Со понна милемлы мар сётэмын луоз?»28Иисус соослы шуиз: «Зэм ик тӥледлы верасько: тӥ, Мон сьӧры мынӥсьёс, вуонояз дуннеын, Адями Пи Аслаз пиштӥсь данлыкезлэн престол вылаз пуксем бере, тӥ но, Израильлэсь дас кык выжыоссэ судить карон понна дас кык престолъёс вылэ пуксёды.29Котькудӥз ик, кин Мынам нимы понна корказэ, яке агай-вынъёссэ, яке сузэр-апайёссэ, яке атайзэ, яке анайзэ, яке кышнозэ, яке нылпиоссэ, яке музъемзэ кельтӥз ке, сю пол тросгес басьтоз но быронтэм улонэ пыроз.30Азьпалаз мынӥсьёс тросэз пумаз кылёзы, нош пумаз мынӥсьёс азьпала потозы».


предыдущая глава Глава 19 следующая глава