Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАТФЕЙЛЭСЬ ӞЕЧ ИВОР

Глава 5

5-тӥ ЛЮКЕТ

1Калыкез адӟем бераз Иисус гурезе тубиз. Со отчы пуксиз. Соку Со доры дышетскисьёсыз лыктӥзы.2Соосты дышетыса, Со тазьы шуиз:

3«Покчи мылкыдоос шудоесь: соослэн Ин Эксэйлыксы вань.
4Бӧрдӥсьёс шудоесь: соос буйгалозы.
5Востэмъёс шудоесь: соос музъем басьтозы.
6Шонер улонэз сютэм, сюзы куасьмыса возьмасьёс шудоесь: соос тыр луозы.
7Муртлы ӟеч карисьёс шудоесь: соос ӟеч каремын луозы.
8Чылкыт сюлэмоос шудоесь: соос Инмарез адӟозы.
9Тупаса улон вайисьёс шудоесь: соос Инмар пиос шуыса нимаськозы.
10Шонер улон понна уллямъёс шудоесь: соослэн Ин Эксэйлыксы вань.

11Мон понна тӥледыз курлазы ке, уллязы ке, котькыӵе но урод кылъёсын юнме куаретӥзы ке, тӥ шудоесь.12Шумпотэлэ, шулдыръяськелэ – Инмын басьтоно медды-кузьымды бадӟым. Тӥлесьтыд азьвыл улэм пророкъёсты но озьы ик уллязы.

13Тӥ – музъемлэн сылалэз. Нош сылал аслэсьтыз кужымзэ ыштӥз ке, маин сое кузьыт карод на? Со номырлы но ярантэм ини, педло поттыса, калык пыд улэ гинэ куштыны ярано на.

14Тӥ – дуннелэн югытэз. Гурезь йылын сылӥсь город ватӥськыны уг быгаты.15Сюсьтылэз ӝуатыса, тусьты улэ уг пукто, сюсьтыл пуктонэ пукто, соку со ваньмызлы коркан югыт каре.16Озьы ик тӥляд но югытты адямиос азьын мед пиштоз, тӥлесьтыд ӟеч ужъёстэс мед адӟозы но Инмысь Атайдэс мед данъялозы.

17Эн малпалэ, Мон законэз яке пророкъёсты туганы-тарканы лыктӥ шуыса; туганы-тарканы Мон ӧй лыкты, быдэстыны лыктӥ.18Зэм ик тӥледлы верасько: инэн музъем бырытозь, ваньмыз быдэсмытозь, законысь одӥг быртыкез но, одӥг гожез но уз быры.19Озьыен, кин одӥгзэ ке но самой пичизэ курон-косонэз тугаз-тарказ но адямиосыз но солы ик дышетӥз ке, Ин Эксэйлыкын со покчи шуыса нимаськоз, нош кин соосты быдэсъяз но дышетӥз ке, Ин Эксэйлыкын со быдӟым шуыса нимаськоз.20Уго тӥледлы верасько: тӥляд шонер улонды книга тодӥсьёслэн но фарисейёслэн шонерлыксылэсь ӧз ке ортчы, Ин Эксэйлыке тӥ уд пырелэ.

21Тӥ кылӥды, мар шуэмын вашкалаослы: ”Эн виы; нош кин вииз ке, судэ сюроз”.22Нош Мон тӥледлы верасько: котькудӥз юнме ас братэз вылэ йыркуръяськись – судэ сюроз; нош ас братэзлы ”шузи-мази” шуиз ке, сӥнедрионэ сюроз; нош кин ”визьтэм” шуиз ке, ӝуась гееннае сюроз.23Соин ик, кузьымдэ курбон сётон интые вайид но, отысен тодад лыктӥз ке, братэдлэн тыныд кыӵе ке но кӧтӝожез вань шуыса,24соку курбон сётон ӝӧк доры кузьымдэ кельты, мын, нырысь ик тупа братэныд. Собере лыкты, вай кузьымдэ.25Вожвылъяськись муртэд судья кие, нош судья тонэ ляльчи кие медаз сёты вал; астэ пытсэтэ куштытэмед уг ке поты, одӥг сюрес кузя мынон дыръяды ӝоггес тупатскы вожвылъяськись муртэныд.26Зэм ик тыныд верасько: берпум копейкадэ сётытэк, тон отысь уд ни поты.

27Тӥ кылӥды вашкалаослы верамез: ”Азон-калгон сьӧлыке эн пыры”.28Нош Мон тӥледлы верасько: котькудӥз, кин кышномурт шоры ӝуатскем мылкыдын учкиз ке, со аслаз сюлмаз азон-калгон сьӧлыкез лэсьтэ ни.29Бур синмыд тонэ сьӧлыке пыртэ ке, ишкалты сое но ас бордысьтыд кушты: быдэс мугорыд кысылӥсьтэм тыл пӧлы куштӥськемлэсь, умойгес луоз тыныд одӥг маид ке гинэ быриз ке.30Бур киыд тонэ сьӧлыке пыртэ ке, ӵог сое но ас бордысьтыд кушты: быдэс мугорыд кысылӥсьтэм тыл пӧлы куштӥськемлэсь, умойгес луоз тыныд одӥг маид ке гинэ быриз ке.

31Озьы ик шуэмын: кин кышноеныз люкиськиз ке, солы люкиськон сярысь гожтэт мед сётоз.32Нош Мон тӥледлы верасько: кин азон-калгон сьӧлыке пырымтэ кышноеныз люкиське, со кышноезлы азон-калгон сьӧлыке пырыны юрттэ; люкиськем муртэ кышно вайись мурт азон-калгон сьӧлыке пыре.

33Тӥ кылӥды, вашкалаослы мар шуэмын: ”Эн куштӥськы сётэм кылыдлэсь, быдэсъя Кузё-Инмар азьын сётэм кылъёстэ”.34Нош Мон тӥледлы шуисько: кылдэ чик но эн сёт: инбамен но, малы ке шуоно со Инмарлэн пукон интыез;35музъемен но, малы ке шуоно со Солэн пыдул лёгетэз; Иерусалимен но, малы ке шуоно со быдӟым Эксэйлэн городэз.36Аслад йырыныд но кыл эн сёты, малы ке шуоно одӥг йырсидэ но аслад тӧдьы яке сьӧд каремед уг луы.37Тӥляд кылды ”озьы, озьы”, ”ӧвӧл, ӧвӧл” гинэ мед луоз; талэсь тросэз – шайтанлэсь луэ.

38Тӥляд кылэмды вань тазьы верамез: ”Син понна син, пинь понна пинь”.39Нош Мон тӥледлы верасько: эн пумитъяськы уродлы. Кин ке бурпал бамад чабкиз, мукет палзэ но солы берыкты.40Кин ке тонэн судэ пырыны но дэремдэ басьтыны турттӥз ке, солы вылысь дӥсьтэ но сёт.41Тонэ кин ке одӥг иськем ӵош мыныны чортӥз ке, мын соин кыксэ.42Курисьлы сёт, пунэманы турттӥсьлэсь эн палэнскы.

43Тӥ кылӥды тазьы шуэмез: ”Матысьтэ яраты, тушмондэ адӟемпотостэм кар”.44Нош Мон тӥледлы шуисько: тушмонъёстэс яратэлэ, тӥледыз каргасьёсты бакель каре, адӟемпотостэм карисьёслы ӟеч каре, ултӥясьёс, уллясьёс понна вӧсяськелэ,45Инмысь Атайдылэн пиосыз мед луоды; Со уго шундызэ уродъёс но, ӟечъёс но вылэ ӝужаны косэ, зорзэ шонер улӥсьёслы но, шонер улӥсьтэмъёслы но лэзе.46Тӥледыз яратӥсьёсыз гинэ яратӥды ке, тӥляд кыӵе медды-кузьымды луоз? Озьы ик выт бичасьёс но уг-а лэсьто?47Братъёстэс гинэ ӟечкылады ке, мар аспӧртэмзэ лэсьтӥськоды? Озьы ик уг-а лэсьто язычникъёс но?

48Кызьы Инмысь Атайды дун-шектэм, озьы ик тӥ но дун-шектэмесь луэ».


предыдущая глава Глава 5 следующая глава