Выбрать язык
Книги Ветхого Завета
Книги Нового Завета
с русским текстом2-тӥ книга
1Кызь вить арескын Амасия эксэе пуксиз но кызь укмыс ар ӵоже Иерусалимын эксэй пуконын пукиз; анаезлэн нимыз Иегоаддань, со Иерусалимысь вал.2Кузё-Инмар азьын со ӟеч ужъёс лэсьтыса улӥз, но вань сюлэмзэ поныса ӧз лэсьты.3Солэн киулаз эксэйлык юнмам бере со эксэез – аслэсьтыз атайзэ – вием ляльчиоссэ виылӥз.4Но соослэсь нылпиоссэс ӧз виы, уго законын, Моисейлэн книгаяз, Кузё-Инмарлэн курон-косонэз вань, отын шуэмын: атайёсты нылпиоссы понна виыны уг яра, нылпиосты но атайёссы понна виыны уг яра, котькудӥз аслаз йыружез понна кулыны кулэ.
5Амасия иудей калыкез люказ но соосты выжыен-выжыен сюрс ожгарчиосын, сю ожгарчиосын кивалтӥсьёслэн киулазы сётӥз, вань иудейёсты, Вениамин выжыез, кызь аресысен вылӥгес аресозь лыдъяз но тодӥз: соос куинь сю сюрс быръем муртъёс, оже мынӥсьёс, киязы шибоды но щит возисьёс.6Эшшо сю талант азвесь тырыса, израиль калык пӧлысь сю сюрс кышкасьтэм ожгарчиосты медъяз.7Соку Инмар адями со доры лыктыса шуиз: «Эксэй! Тонэн ӵош израиль ожгарчиос медаз мынэ, малы ке шуоно израиль ожгарчиос пӧлын, Ефремлэн вань пиосыз пӧлын, Кузё-Инмар ӧвӧл.8Тон огнад мын, уждэ ужа, кышкатэк нюръяськы ожын. Ӧд ке, Инмар тонэ тушмон азе погыртоз, уго Инмарлэн кужымез вань дурбасьтыны но, погыртыны но».9Инмар адямилы Амасия шуиз: «Израиль ожгарчиослы сётэм сю талантэн мар бен каром на?» Соку Инмар адями шуиз: «Кузё-Инмар тыныд талэсь но троссэгес сётыны быгатоз».10Амасия соосты висъяз, – Ефрем музъемысь со доры лыктэм ожгарчиосты – асьсэлэн интыязы мед мынозы шуыса. Соку соослэн Иудеялы кужмо йыркурзы ӝуатскиз, йыркуренызы валче соос берлане, ас интыязы кошкизы.11Нош Амасия, кышканзэ вунэтыса, ас калыксэ азьлане валтӥз, сылало нёжалэ мынӥз но Сеир пиос пӧлысь дас сюрссэ вииз;12дас сюрссэ иудей пиос улэпкын пленэ нуизы, изгурезьлэн йылӥяз тубытӥзы но изгурезь йылысен йыруллань куязы, ваньзы соос номыртэм пазьгиськизы.13Нош Амасиялэн берлань ыстэм ожгарчиосыз, соин ӵош оже ветлонтэм понна уллямъёс, Иудеялэн городъёсаз, Самарияысен кутскыса Веф-Оронозь, пазьгиськизы но отысь куинь сюрс муртэ виизы, туж трос ваньбур талазы.
14Идумейёсты вормем бере Амасия лыктӥз но Сеир пиослэсь инмаръёссэс вайиз но ас дораз инмаръёс кариз, соос азьын йыбыртъяз, ческыт ӵын соос азьын поттӥз.15Соку Кузё-Инмарлэн йыркурез Амасия вылэ ӝуатскиз. Со доры пророкез ыстӥз, пророк солы шуиз: «Малы тон та калыклэн инмаръёсыз доры ветлӥськод, соос ас калыксэс тынад киыдлэсь утьыны ӧз быгатэ ук?»16Со вераськыку, эксэй солы таӵе ответ сётӥз: «Эксэйлы визь-нод сётъясе тонэ пуктӥзы шат? Дугды, тонэ виёно медаз луэ». Соку пророк вераськемысь дугдӥз но шуиз: «Тодӥсько, тонэ Инмар виыны малпаз шуыса, уго тон тазьы лэсьтӥд, мынэсьтым кенешме санэ ӧд поны».
17Иудеялэн Амасия эксэез кенешиз но Израильлэн эксэез доры, Ииуйлэн Иоахаз пиезлэн Иоас пиез доры, тазьы вераны ыстӥз: «Пот, ваче адӟиськомы».18Израильлэн Иоас эксэез Иудеялэн Амасия эксэезлы тазьы вераны ыстӥз: «Ливанысь тёрнпу Ливанысь кедырпулы вераны ыстӥз: ”Нылдэ пиелы кышнолы сёт”. Нош Ливанысь кыр пӧйшуръёс ортчизы но та тёрнпуэз лёгаса куштӥзы.19Тон шуиськод: ”Тани, мон идумей калыкез пазьги”, – соку тынад сюлмыд ӝутскиз, вылтӥяськонэ вуиз. Эсьмаса коркад пук. Малы тыныд кышкыт ужез кутскыны кулэ? Погралод, тонэн валче Иудея но погралоз».20Нош Амасия ӧз кылзӥськы, уго та Инмар дорысь вал, соосты идумей инмаръёслы йыбыртъяны кутскемзы понна, Иоаслэн киулаз сётон вылысь.21Израильлэн Иоас эксэез потӥз но, соос ог-огенызы адскизы, – со но Амасия, Иудеялэн эксэез, Иудеяысь Вефсамис карын.22Израиль ожгарчиос иудей пиосты пазьгизы, ваньзы бызьыса балаганъёсазы пегӟылӥзы.23Амасияез, Иоахазлэсь Иоас пиезлэсь пизэ, Иудеялэсь эксэйзэ Израильлэн Иоас эксэез Вефсамисысен киултӥз но сое Иерусалиме вайиз, Ефрем капка бордысен Сэрего капка дорозь Иерусалимлэсь борддорзэ, ньыль сю гырпум кузьда люкетсэ, куашкатӥз.24Инмар коркан, Овед-Едомлэн киулаз возиськись вань зарниез, азвесез, вань сосудъёсты басьтӥз, эксэй коркась ваньбурез киултӥз, пленэ адямиосты басьтӥз но Самарияе берытскиз.
25Израильлэн эксэез, Иоахазлэн Иоас пиез, кулэм бере Иудеялэн эксэез Амасия, Иоаслэн пиез, дас вить ар улӥз на.26Амасиялэн мукет ужъёсыз – нырысьёсыз но, берпумъёсыз но – Иудеялэн но Израильлэн эксэйёссылэн книгаязы гожтэмын.27Со дыръёс ортчем бере, Амасия Кузё-Инмарлэсь палэнскем бере Иерусалимын солы пумит лушкем уж лэсьтыны малпазы, соку со Лахисэ пегӟиз. Со бӧрсьы Лахисэ адямиосты ыстӥзы, соос отысен сое виизы.28Сое вал вылын вайизы, атайёсыныз огазе сое Иудалэн городаз ватӥзы.
Глава 25