Выбрать язык
Книги Ветхого Завета
Книги Нового Завета
без русского текстаЭКСЭЙЛЫКЪЁСЛЭН НЬЫЛЕТӤ КНИГАЗЫ | ЧЕТВЕРТАЯ КНИГА ЦАРСТВ |
22-тӥ ЛЮКЕТ | Глава 22 |
| 1Эксэе пуксьыкуз, Иосиялы тямыс арес вал, со куамын одӥг ар ӵоже Иерусалимын эксэй пуконын пукиз; анаезлэн нимыз Иедида, со Боцкафысь Адаиялэн нылыз вал. | 1Восьми лет был Иосия, когда воцарился, и тридцать один год царствовал в Иерусалиме; имя матери его Иедида, дочь Адаии, из Боцкафы. |
| 2Кузё-Инмар азьын со ярамон ужъёс лэсьтыса улӥз, Давидлэн, атаезлэн, сюрес кузяз ветлыса улӥз, бурпала но, паллян пала но ӧз кожылы. | 2И делал он угодное в очах Господних, и ходил во всем путем Давида, отца своего, и не уклонялся ни направо, ни налево. |
| 3Дас тямысэтӥ арзэ эксэйын пукыкуз, Иосия ыстӥз Мешулламлэсь Ацалия пиезлэсь Шафан пизэ, подъясез, Кузё-Инмарлэн корказ тазьы вераса: | 3В восемнадцатый год царя Иосии, послал царь Шафана, сына Ацалии, сына Мешулламова, писца, в дом Господень, сказав: |
| 4«Мын Хелкия архиерей доры, Кузё-Инмарлэн корказ ваем, ӧс выжыын возьмаськыса сылӥсьёслэсь калыклэсь люкам азвесез лыдъяны кос, | 4пойди к Хелкии первосвященнику, пусть он пересчитает серебро, принесенное в дом Господень, которое собрали от народа стоящие на страже у порога, |
| 5сое Кузё-Инмарлэн корказ ужаны пуктэмъёслэн киязы мед сётозы, нош таосыз Кузё-Инмарлэн корказ сӧриськем интыоссэ тупатъясьёслэн киязы мед сётозы – | 5и пусть отдадут его в руки производителям работ, приставленным к дому Господню, а сии пусть раздают его работающим в доме Господнем, на исправление повреждений дома, |
| 6лэсьтӥськисьёслы, из тырисьёслы, борддор ӝутӥсьёслы, коркаез тупатъян понна пу, вӧлэм изъёс басьтыны; | 6плотникам и каменщикам, и делателям стен, и на покупку дерев и тесаных камней для исправления дома; |
| 7киязы сётэм азвесь понна отчётсэс куроно ӧвӧл, соос ӧрекчаськытэк ужало уго». | 7впрочем не требовать у них отчета в серебре, переданном в руки их, потому что они поступают честно. |
| 8Хелкия архиерей Шафан подъясьлы тазьы шуиз: «Законэн книгаез мон Кузё-Инмарлэн коркасьтыз шедьтӥ». Хелкия книгаез Шафанлы сётӥз, соиз сое лыдӟыны кутскиз. | 8И сказал Хелкия первосвященник Шафану писцу: книгу закона я нашел в доме Господнем. И подал Хелкия книгу Шафану, и он читал ее. |
| 9Шафан подъясь эксэй доры лыктӥз, со эксэйлы ответ вайыса шуиз: «Коркась шедьтэм азвесез тынад ляльчиосыд Кузё-Инмарлэн корказ ужаны пуктэм муртъёслэн киязы сётӥзы». | 9И пришел Шафан писец к царю, и принес царю ответ, и сказал: взяли рабы твои серебро, найденное в доме, и передали его в руки производителям работ, приставленным к дому Господню. |
| 10Шафан подъясь эксэйлы ивор вуттыса шуиз: «Та книгаез мыным Хелкия архиерей сётӥз». Шафан сое эксэй азьын лыдӟиз. | 10И донес Шафан писец царю, говоря: книгу дал мне Хелкия священник. И читал ее Шафан пред царем. |
| 11Законэн книгаысь кылъёсты кылэм бераз эксэй дӥськутсэ кесиз. | 11Когда услышал царь слова книги закона, то разодрал одежды свои. |
| 12Хелкия священниклы, Шафанлэн Ахикам пиезлы, Михеялэн Ахбор пиезлы, Шафан подъясьлы, эксэйлэн Асаия медоезлы эксэй косон сётыса шуиз: | 12И повелел царь Хелкии священнику, и Ахикаму, сыну Шафанову, и Ахбору, сыну Михеину, и Шафану писцу, и Асаии, слуге царскому, говоря: |
| 13«Мынэлэ, мон понна, калык понна, быдэс Иудея понна та шедьтэм книгаысь кылъёс сярысь Кузё-Инмарлэсь юалэ, малы ке шуоно Кузё-Инмарлэн асьме вылэ туж бадӟым вожпотонэз ӝуатскиз асьмелэн атайёсмы та книгаысь кылъёсты санэ понытэк улэмзы понна, со верам кылъёсъя асьмеос ужаны, улыны кулэ вал». | 13пойдите, вопросите Господа за меня и за народ и за всю Иудею о словах сей найденной книги, потому что велик гнев Господень, который воспылал на нас за то, что не слушали отцы наши слов книги сей, чтобы поступать согласно с предписанным нам. |
| 14Соку Хелкия священник, Ахикам, Ахбор, Шафан но Асаия азьпалзэ тодытӥсь Олдама доры мынӥзы, Харкаслэн Тиква пиезлэн Шаллум пиезлэн кышноез доры, со дӥськут чаклась-утисьлэн кышноез вал, Иерусалимын улӥз, солэн кыкетӥ люкетаз, – соин соос вераськизы. | 14И пошел Хелкия священник, и Ахикам, и Ахбор, и Шафан, и Асаия к Олдаме пророчице, жене Шаллума, сына Тиквы, сына Хархаса, хранителя одежд, --жила же она в Иерусалиме, во второй части, --и говорили с нею. |
| 15Та кышномурт соослы шуиз: «Тазьы шуэ Израильлэн Инмарез Кузё-Инмар: тӥледыз мон доры ыстэм муртлы вералэ: | 15И она сказала им: так говорит Господь, Бог Израилев: скажите человеку, который послал вас ко мне: |
| 16”Тазьы шуэ Кузё-Инмар: та инты вылэ, отын улӥсьёсыз вылэ секытлык лэзё – Иудей эксэйлэсь лыдӟем книгаысьтыз вань кылъёсты. | 16так говорит Господь: наведу зло на место сие и на жителей его, --все слова книги, которую читал царь Иудейский. |
| 17Мон дорысь палэнскемзы понна, ас киоссылэн вань ужъёсынызы Мынэсьтым вожме поттыса мурт инмаръёс азьын ӵындытыса улэмзы понна Мынам йыркуре ӝуатскиз та инты вылэ, со уз кысы”. | 17За то, что оставили Меня, и кадят другим богам, чтобы раздражать Меня всеми делами рук своих, воспылал гнев Мой на место сие, и не погаснет. |
| 18Нош Кузё-Инмарлэсь юаны ыстэм Иудей эксэйлы вералэ: ”Тынад кылэм кылъёсыд пумысен тазьы шуэ Израильлэн Инмарез Кузё-Инмар: | 18А царю Иудейскому, пославшему вас вопросить Господа, скажите: так говорит Господь Бог Израилев, о словах, которые ты слышал: |
| 19Та инты вылэ, отын улӥсь калык вылэ Мынэсьтым верамме, соос шимес карган макелы пӧрмозы шуэмме кылӥд но, тынад сюлмыд небӟиз, Кузё-Инмар азьын зӥбыт-востэм кариськид, тон дӥськуттэ кесяд, Мон азьын бӧрдыны кутскид, соин ик Мон но тонэ кылӥ, – шуэ Кузё-Инмар. – | 19так как смягчилось сердце твое, и ты смирился пред Господом, услышав то, что Я изрек на место сие и на жителей его, что они будут предметом ужаса и проклятия, и ты разодрал одежды свои, и плакал предо Мною, то и Я услышал тебя, говорит Господь. |
| 20Со понна, тани, Мон тонэ атайёсыд пӧлы поно, каньыллыкен тон шайгуад понэмын луод, тынад синъёсыд та инты вылэ Мынэсьтым лэзем шугадӟонъёсме уз адӟе”». Эксэйлы ответ вуттӥзы. | 20За это, вот, Я приложу тебя к отцам твоим, и ты положен будешь в гробницу твою в мире, и не увидят глаза твои всего того бедствия, которое Я наведу на место сие. И принесли царю ответ. |
Глава 22