Выбрать язык
Книги Ветхого Завета
Книги Нового Завета
с русским текстом1Ремалиялэн Факей пиез дас сизьыметӥ арзэ эксэйын пукыку, Иудеяын Иоафамлэн Ахаз пиез эксэе пуксиз.2Эксэе пуксьыкуз, Ахазлы кызь арес вал, со Иерусалимын дас куать ар ӵоже эксэй пуконын пукиз. Давид атаез кадь Инмарезлэн Кузё-Инмарлэн азяз ярамон ужъёс лэсьтыса ӧз улы.3Со Израиль эксэйёслэн сюрес кузязы ветлӥз, со аслэсьтыз пизэ но тыл пыр поттӥз, – Кузё-Инмарлэн израиль пиослэн азьысьтызы уллям калыкъёслэсь юрӟым ужъёс лэсьтэмзэс адӟем карыса.4Гурезь йылъёсын, вырйылъёсын, лабрес писпуос улын курбонъёс сётылӥз, ӵындытъянъёс ортчытылӥз.
5Соку Иерусалимлы пумит, сое киултон вылысь Сириялэн Рецин эксэез, Израильлэн эксэез Ремалиялэн Факей пиез лыктӥзы но Ахазэз котыртэм пушкын возизы, но вормыны ӧз быгатэ.6Со виын Сириялэн Рецин эксэез Сириялы Елафез берыктӥз но иудейёсты Елафысь улляз. Соку идумей пиос Елафе пыризы но туннэ нуналозь отын уло.
7Ассириялэн Феглаффелласар эксэез доры Ахаз адямиос ыстӥз тазьы вераны: «Мон тынад ляльчиед, тынад пиед; лыкты, уть монэ Сирия эксэйлэн киызлэсь, Израиль эксэйлэн киызлэсь – мон вылэ урдскем эксэйёслэсь».8Кузё-Инмарлэн коркасьтыз, эксэй юртлэн ваньбур возён интыосысьтыз Ахаз вань шедьтэм азвесез, зарниез кутӥз но Ассириялэн эксэезлы кузьымлы келяз.9Ассириялэн эксэез сое кылзӥз; Ассириялэн эксэез Дамаске мынӥз, сое киултӥз, отысь улӥсьёсты Кире улыны интыяз, нош Рецинэз вииз.
10Ахаз Дамаске Ассириялэн Феглаффелласар эксэезлэн пумитаз мынӥз но Дамаскысь курбон сётон интыез адӟиз. Ахаз эксэй Урия священниклы курбон сётон интылэсь суредзэ, солэн пушкыз-ерызлэсь чертёжъёссэ но ыстӥз.11Урия священник Ахаз эксэйлэн Дамаскысь ыстэм суредэзъя курбон сётон лэсьтӥз; Дамаскысь Ахазлэн татчы вуытозязлы Урия священник тазьы лэсьтӥз.12Эксэй Дамаскысь вуиз но курбон сётон интыез адӟиз, со курбон сётон доры матаз лыктӥз но со вылын курбон сётӥз.13Тылын сутӥськись курбонзэ, нянь курбонзэ сётӥз, курбон-салам виназэ тылэ кисьтӥз, но курбон сётон интызэ тупаса улон понна сётӥськись курбонлэн вирыныз пазьгиз.14Нош ыргонлэсь лэсьтэм курбон сётон интыез, кудӥз Кузё-Инмарлэн азяз сылэ вал, сое кыскыса нуытӥз храмлэн азьпалысьтыз, выль курбон сётон интыен Кузё-Инмарлэн корка вискытӥ, сое та курбон сётон интылэн урдэсказ, уйпалаз пуктӥз.15Урия священниклы косон сётыса, Ахаз эксэй шуиз: «Бадӟымаз курбон сётонын ӵукна тылын сутӥськисьсэ, ӝыт сётӥськисьсэ но нянь курбонэз сут, эксэйлэсь ваем тылын сутонозэ, солэсь ик нянь саламзэ но, музъем вылысь вань адямиослэсь тылын сутӥськись курбонзэс но, соослэсь нянь саламзэс но, кисьтоно курбон-саламзэс но, тылын сутӥськись курбонлэн вирыныз, вань курбон сётоноослэн вирынызы соос вылэ пазьгы, нош ыргонлэсь лэсьтэм курбон сётон ӝӧк мед сылоз мон малпанме вератозь».16Урия священник ваньзэ лэсьтӥз Ахаз эксэйлэн косэмезъя.
17Ахаз эксэй пуктэт вылысь мисьтӥськонэз басьтытӥз, пуктэтлэсь котырзэ тӥяз; ыргон ошъёс вылын сылӥсь ыргон зарезез из выж вылэ пуктытӥз.18Суббота нуналэ ветлон понна храм борды липыса лэсьтэм интыез, Кузё-Инмарлэн корка палаз нуись эксэйлэсь пыранзэ со воштӥз – Ассириялэн эксэезлы ярамон луон понна.19Мар мукетсэ лэсьтӥз Ахаз, ваньмыз гожтэмын Иудей эксэйёслэн книгаязы.
20Атайёсыз кадь ик Ахаз кулӥз но, сое атайёсыныз огазе Давидлэн городаз ватӥзы. Солэн интыяз эксэе пуксиз Езекия пиез.
Глава 16