Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

ЭКСЭЙЛЫКЪЁСЛЭН НЬЫЛЕТӤ КНИГАЗЫ

15-тӥ ЛЮКЕТ

1Израильын Иеровоам кызь сизьыметӥ арзэ эксэйын пукыку, Иудеяын эксэе пуксиз Амасиялэн Азария пиез.2Эксэе пуксьыкуз, солы дас куать арес вал, нош эксэй луыса Иерусалимын со витьтон кык ар ӵоже пукиз. Солэн анаез Иерусалимысь вал, Иехолия нимо.3Кузё-Инмар азьын со ярамон ужъёс лэсьтӥз, озьы, кызьы ваньзэ лэсьтылӥз солэн атаез, Амасия.4Гурезь йылъёсын вӧсяськонъёс гинэ куштэмын ӧй вал: калык, гурезь йылъёсын курбонъёс сётылыса, ӵындытылыса улӥз на.5Кузё-Инмар эксэез кулытозязлы гижлочерен висись кариз, нимаз коркан со улӥз. Нош эксэй юртэн-ерен, та музъемысь калыкен кивалтыса, кузёяськыса улӥз эксэйлэн Иофам пиез.

6Мукетыз сярысь, ваньзэ мае Азария лэсьтӥз, Иудей эксэйёслэн книгаязы гожтэмын.7Азария кулӥз но, сое атайёсыныз огазе Давидлэн городаз ватӥзы. Со интые эксэе пуксиз Иофам пиез.

8Иудеялэн эксэезлэн, Азариялэн, куамын тямысэтӥ араз Самарияын Иеровоамлэн Захария пиез Израильлы эксэе пуксиз, куать толэзь ӵоже эксэйын пукиз.9Кузё-Инмар азьын со атайёсыз кадь ик ярантэм ужъёс лэсьтыса улӥз: Израилез сьӧлыке пыртӥсь Наватлэн Иеровоам пиезлэн сьӧлыкъёсызлэсь со ӧз палэнскылы.10Солы пумит лушкемен виён уж малпаз Иавислэн Селлум пиез: калык азьын сое погыртӥз, вииз но со интые эксэе пуксиз.

11Захариялэн мукет ужъёсыз сярысь Израиль эксэйёслэн книгаязы гожтэмын.12Таӵе вал Кузё-Инмарлэн Ииуйлы верам кылыз: «Тынад пиосыд ньылетӥ выжыозь Израильлэн эксэй пуконаз пукозы». Озьы ик луиз.

13Иавислэн Селлум пиез эксэе пуксиз, Иудеяын Азария куамын укмысэтӥ арзэ эксэй пуконын пукыку, со Самарияын одӥг толэзь ӵоже эксэйын пукиз.14Фирцаысь Гадийлэн Менаим пиез потӥз но, Самарияе вуыса, отысен Иавислэсь Селлум пизэ погыртӥз, вииз но со интые эксэе пуксиз.

15Селлумлэн мукет ужъёсыз сярысь, солэн лушкемен виён дасямез сярысь Израиль эксэйёслэн книгаязы гожтэмын.16Менаим Типсахез, солэн ёросаз вань улӥсьёсты погыртӥз, Фирцаысен кутскыса, кар капкаосты усьтымтэзы понна сое куашкатӥз, ваньзэс нуны ваёно кышномуртъёсты кораз.

17Иудеяын куамын укмысэтӥ арзэ эксэйын Азария пукыку, Израильлы эксэй луиз Гадийлэн Менаим пиез, со Самарияын дас ар ӵоже эксэй пуконын пукиз.18Кузё-Инмар азьын со ярантэм ужъёс лэсьтыса улӥз: Израилез вань улон нуналъёсыз ӵоже сьӧлыке пыртыса возиз, Наватлэн Иеровоам пиезлэн лэсьтэм сьӧлыкъёсызлэсь со бере ӧз кыльы.19Соку [Израиль] музъем вылэ Ассириялэн Фул эксэез лыктӥз. Менаим Фуллы сюрс талант азвесь сётӥз, солы мед юрттоз, эксэйлыкез ас киулаз юнматыны мед быгатоз.20Та азвесез Менаим израиль пиослэсь, вань узыр муртъёслэсь, котькудзылэсь витьтон сӥкль басьтыны косӥз сое Ассириялэн эксэезлы сётон понна. Соку Ассириялэн эксэез берен кошкиз, та музъеме со ӧз кыльы.

21Менаимлэн вань ужъёсыз сярысь Израиль эксэйёслэн книгаязы гожтэмын.22Менаим кулӥз но, атайёсыныз огазе ватӥзы. Со интые Факия пиез эксэе пуксиз.

23Иудеяын Азария эксэйын витьтонэтӥ арзэ пукыку, Самарияын Менаимлэн Факия пиез Израильлы эксэе пуксиз, со кык ар ӵоже эксэйын пукиз.24Кузё-Инмар азьын со ярантэм ужъёс лэсьтыса улӥз: Израилез сьӧлыке пыртӥсь Наватлэн Иеровоам пиезлэн сьӧлыкъёсызлэсь бере ӧз кыльы.25Менаимлэн Факия пиезлы пумит солэн бордаз ик ужась кузёйырыз, Ремалиялэн Факей пиез, лушкем уж дасяз: Самарияысен эксэй коркалэн одӥгаз бӧлетаз Ремалиялэн Факей пиез Галаадысь витьтон муртэн ӵош сое виизы. Арговез, Ариез но виизы. Табере Менаимлэн Факия пиез интые Ремалиялэн Факей пиез эксэе пуксиз.

26Факия сярысь, ваньзэ, мар со лэсьтӥз, Израиль эксэйёслэн книгаязы гожтэмын.

27Иудеяын Азария витьтон кыкетӥ арзэ эксэйын пукыку, Самарияын Ремалиялэн Факей пиез Израильлы эксэе пуксиз, со кызь кык ар ӵоже эксэйын пукиз.28Кузё-Инмарлэн азяз со ярантэм ужъёс лэсьтыса улӥз, Израилез сьӧлыке пыртӥсь Наватлэн Иеровоам пиезлэн сьӧлыкъёсызлэсь бере ӧз кыльы.29Израильын Факей эксэйын пукыку, Ассириялэн Феглаффелласар эксэез лыктӥз но Ионэз, Авел-Беф-Маахаез, Ианохез, Кедесэз, Асорез, Галаадэз, Галилеяез, быдэссэ Неффалим музъемез киултӥз но отысь улӥсьёссэ Ассирияе улыны нуиз.30Соку Илалэн Осия пиез Ремалиялэн Факей пиезлы пумит лушкем уж лэсьтӥз, погыртӥз, вииз сое но солэн интыяз эксэе пуксиз, со вал Озиялэн Иоафам пиез кызетӥ арзэ эксэйын пукыку.31Факей сярысь, ваньзэ, мар со лэсьтӥз, Израиль эксэйёслэн книгаязы гожтэмын.

32Израильын Ремалиялэн Факей пиез кыкетӥ арзэ эксэйын пукыку, Иудеяын Озиялэн Иоафам пиез эксэе пуксиз.33Эксэе пуксьыкуз, солы кызь вить арес вал, дас куать ар ӵоже со Иерусалимын эксэй пуконын пукиз. Солэн анаез Иеруша нимо, Садоклэн нылыз вал со.34Кузё-Инмарлэн азяз со ярамон ужъёс лэсьтыса улӥз: кызьы солэн атаез Озия улӥз, со но озьы ик улӥз.35Гурезь йылъёсын вӧсяськонъёс гинэ воштэмын ӧй вал: калык гурезь йылъёсын ялан курбонъёс сётыса, ческыт зыно ӵындытонъёс ортчытъяса улӥз на. Кузё-Инмарлэн корка бордаз Вылӥ капка пуктӥз.

36Иоафам сярысь, ваньзэ, мар со лэсьтӥз, Иудей эксэйёслэн книгаязы гожтэмын.37Кузё-Инмар со нуналъёсы Иудея вылэ Сириялэсь Рецин эксэйзэ, Ремалиялэсь Факей пизэ ысъяны кутскиз.38Иоафам атайёсыз кадь ик кулӥз, сое атайёсыныз огазе Давидлэн городаз ватӥзы. Солэн интыяз Ахаз пиез эксэе пуксиз.

 Глава 15