Выбрать язык
Книги Ветхого Завета
Книги Нового Завета
без русского текстаЭКСЭЙЛЫКЪЁСЛЭН КЫКЕТӤ КНИГАЗЫ | ВТОРАЯ КНИГА ЦАРСТВ |
12-тӥ ЛЮКЕТ | Глава 12 |
| 1Кузё-Инмар Давид доры Нафан [пророкез] ыстӥз, со Давид доры лыктыса шуиз: «Одӥг городын кык адямиос вал – огез узыр, мукетыз – начар. | 1И послал Господь Нафана к Давиду, и тот пришел к нему и сказал ему: в одном городе были два человека, один богатый, а другой бедный; |
| 2Узырезлэн туж трос ыжъёсыз, кечъёсыз, скалъёсыз, ошъёсыз вал, | 2у богатого было очень много мелкого и крупного скота, |
| 3нош начарезлэн ыжез сяна номыриз ӧй вал, сое со пичи дыръяз басьтӥз, сюдӥз, со ас нылпиосыныз ӵош будӥз; киысьтыз няньзэ сииз, тусьтыысьтыз юиз, гадь вылаз кӧлаз, солы со вордэм ныл кадь потэ вал. | 3а у бедного ничего, кроме одной овечки, которую он купил маленькую и выкормил, и она выросла у него вместе с детьми его; от хлеба его она ела, и из его чаши пила, и на груди у него спала, и была для него, как дочь; |
| 4Узыр мурт доры пыдйылчи лыктӥз, но узырлы пырем пыдйылчиез сюдон понна ыжзэ яке ошсэ вандыны жаль потӥз, со куанерлэсь ыжзэ басьтӥз но со доры пырем муртлы сое сиён кариз». | 4и пришел к богатому человеку странник, и тот пожалел взять из своих овец или волов, чтобы приготовить обед для странника, который пришел к нему, а взял овечку бедняка и приготовил ее для человека, который пришел к нему. |
| 5Та адямилы Давидлэн туж вожез потӥз, со Нафанлы шуиз: «Улэп Кузё-Инмар! Та ужез лэсьтӥсь муртэ виыны кулэ. | 5Сильно разгневался Давид на этого человека и сказал Нафану: жив Господь! достоин смерти человек, сделавший это; |
| 6Тазьы каремез понна, жалянэз тодымтэез понна со ыжлэсь дунзэ ньыль полэс карыса берыктыны кулэ». | 6и за овечку он должен заплатить вчетверо, за то, что он сделал это, и за то, что не имел сострадания. |
| 7Соку Нафан Давидлы шуиз: «Тазьы лэсьтӥсь мурт – со тон. Тазьы шуэ Кузё-Инмар Израильлэн Инмарез: ”Мон тонэ, вӧйын зырӟыса, Израильлы эксэе пуктӥ, Мон тонэ Сауллэн киулысьтыз мозмытӥ, | 7И сказал Нафан Давиду: ты--тот человек. Так говорит Господь Бог Израилев: Я помазал тебя в царя над Израилем и Я избавил тебя от руки Саула, |
| 8кузёедлэсь юртсэ тыныд сётӥ, кузёедлэсь кышнооссэ но тон киулэ сётӥ, Израиль юртэз, Иуда юртэз тыныд сётӥ, со но тыныд уг ке тырмы, эшшо троссэгес ватсасал на. | 8и дал тебе дом господина твоего и жен господина твоего на лоно твое, и дал тебе дом Израилев и Иудин, и, если этого для тебя мало, прибавил бы тебе еще больше; |
| 9Малы тон Кузё-Инмарлэсь кылзэ санэ ӧд поны, Солэн син азяз урод уж лэсьтӥд? Хеттей пиез Урияез мечен виид; кышнозэ аслыд кышнолы басьтӥд, нош сое аммон пиослэн меченызы виид. | 9зачем же ты пренебрег слово Господа, сделав злое пред очами Его? Урию Хеттеянина ты поразил мечом; жену его взял себе в жену, а его ты убил мечом Аммонитян; |
| 10Мынэсьтым кылзӥськымтэед понна, хеттей пилэсь Уриялэсь кышнозэ аслыд кышно басьтэмед понна ноку но юрт пушкысьтыд меч уз кошкылы”. | 10итак не отступит меч от дома твоего во веки, за то, что ты пренебрег Меня и взял жену Урии Хеттеянина, чтоб она была тебе женою. |
| 11Тазьы шуэ Кузё-Инмар: ”Аслад семья пушкысьтыд тыныд пумит лекъяськон ӝуто, син азьысьтыд кышноостэ басьто но матысь муртэдлы сёто; та шунды азьын тынад кышноосыныд со изёз. | 11Так говорит Господь: вот, Я воздвигну на тебя зло из дома твоего, и возьму жен твоих пред глазами твоими, и отдам ближнему твоему, и будет он спать с женами твоими пред этим солнцем; |
| 12Тон лушкемен лэсьтӥд, нош Мон та ужез вань израиль калык азьын, шунды азьын лэсьто”». | 12ты сделал тайно, а Я сделаю это пред всем Израилем и пред солнцем. |
| 13Соку Давид Нафанлы шуиз: «Кузё-Инмар азьын сьӧлыкай». Нафан Давидлы шуиз: «Кузё-Инмар вылысьтыд сьӧлыктэ басьтӥз; тон уд кулы; | 13И сказал Давид Нафану: согрешил я пред Господом. И сказал Нафан Давиду: и Господь снял с тебя грех твой; ты не умрешь; |
| 14но та уженыд Кузё-Инмарлэн тушмонъёсызлы Солэсь нимзэ сантэманы муг сётӥд бере, вордӥськем пи нуныед кулоз». | 14но как ты этим делом подал повод врагам Господа хулить Его, то умрет родившийся у тебя сын. |
| 15Нафан дораз бертӥз. Уриялэн кышноез Давидэн нуны ваем бере Кузё-Инмар со вылэ висён лэзиз, сое погыртӥз. | 15И пошел Нафан в дом свой. И поразил Господь дитя, которое родила жена Урии Давиду, и оно заболело. |
| 16Давид Инмар азьын нуны понна вӧсяськиз, Давид визяса улӥз, ас понназ кариськиз но уйзэ муз вылын кылльыса потӥз. | 16И молился Давид Богу о младенце, и постился Давид, и, уединившись провел ночь, лежа на земле. |
| 17Солэн юртысьтыз тӧроос со доры пыризы, сое муз вылысь ӝутыны шуыса; нош солэн султэмез ӧз поты, соосын ӵош нянь но ӧз сиы. | 17И вошли к нему старейшины дома его, чтобы поднять его с земли; но он не хотел, и не ел с ними хлеба. |
| 18Сизьыметӥ нуналаз пичи пи кулӥз, Давидлэн медоосыз нуны кулӥз шуыса, солы вераны кышказы; уго соос шуо вал: «Нуны улэп дыръя ми солы либатыса вераськомы вал, нош со милесьтым вераммес санэ ӧз понылы, кызьы табере солы шуомы: ”Нуны кулӥз”? Со маке но урод лэсьтоз». | 18На седьмой день дитя умерло, и слуги Давидовы боялись донести ему, что умер младенец; ибо, говорили они, когда дитя было еще живо, и мы уговаривали его, и он не слушал голоса нашего, как же мы скажем ему: `умерло дитя'? Он сделает что--нибудь худое. |
| 19Давид адӟиз, кызьы медоос куспазы лушкемен сипырто, соку со валаз, нуны кулӥз шуыса. Соку Давид медоосызлэсь юаз: «Нуны кулӥз-а?» Шуизы: «Кулӥз». | 19И увидел Давид, что слуги его перешептываются между собою, и понял Давид, что дитя умерло, и спросил Давид слуг своих: умерло дитя? И сказали: умерло. |
| 20Соку Давид муз вылысь султӥз, мисьтӥськиз, вӧйын зыраськиз, дӥськутсэ воштӥз но Кузё-Инмарлэн корказ мынӥз, отын вӧсяськиз. Дораз бертыса, сиыны нянь куриз, сииз. | 20Тогда Давид встал с земли и умылся, и помазался, и переменил одежды свои, и пошел в дом Господень, и молился. Возвратившись домой, потребовал, чтобы подали ему хлеба, и он ел. |
| 21Медоосыз солы шуизы: «Малы тон озьы лэсьтӥськод, мар шуэм со: пиед улэп дыръя тон кӧс утид, бӧрдӥд, [ӧд изьы], нош нуныед кулэм бере тон нянь сиид, [юид]?» | 21И сказали ему слуги его: что значит, что ты так поступаешь: когда дитя было еще живо, ты постился и плакал; а когда дитя умерло, ты встал и ел хлеб? |
| 22Давид шуиз: «Нуны улэп дыръя мон визяса улӥ, бӧрдӥ, уго малпасько вал: кин тодэ, оло, Кузё-Инмар монэ жалялоз но пичи пи улэп кылёз? | 22И сказал Давид: доколе дитя было живо, я постился и плакал, ибо думал: кто знает, не помилует ли меня Господь, и дитя останется живо? |
| 23Нош со кулӥз; малы мыным визяно на? Мон сое берыктыны быгато на шат? Мон со доры мыно, но со мон доры уз берытскы». | 23А теперь оно умерло; зачем же мне поститься? Разве я могу возвратить его? Я пойду к нему, а оно не возвратится ко мне. |
| 24Давид Вирсавияез, кышнозэ, либатӥз, со доры пыриз но соин изиз; со [секытэн луиз], пи нуны вайиз, солы Соломон ним сётӥз. Кузё-Инмар сое яратӥз, | 24И утешил Давид Вирсавию, жену свою, и вошел к ней и спал с нею; и она родила сына, и нарекла ему имя: Соломон. И Господь возлюбил его |
| 25Нафан пророкез ыстӥз но, Кузё-Инмарлэн верамезъя, солы Иедидия ним сётӥз. | 25и послал пророка Нафана, и он нарек ему имя: Иедидиа по слову Господа. |
| 26Иоав аммон калыклэн Равва карезлы пумит нюръяськиз, ӧжыт гинэ ӧз киулты эксэйлэсь карзэ. | 26Иоав воевал против Раввы Аммонитской и взял почти царственный город. |
| 27Иоав Давидлы тазьы вераны ыстӥз: «Мон Равва вылэ ожен мынӥ, городлэсь вузэ киултӥ. | 27И послал Иоав к Давиду сказать ему: я нападал на Равву и овладел водою города; |
| 28Табере, кылемзэ калыкез люкаса, город доры мын, киулты сое; уго мон сое киултӥ ке, солы мынэсьтым нимме сётозы». | 28теперь собери остальной народ и подступи к городу и возьми его; ибо, если я возьму его, то мое имя будет наречено ему. |
| 29Давид, вань калыкез люкаса, Равва доры мынӥз, солы пумит ожмаськыса, сое киултӥз. | 29И собрал Давид весь народ и пошел к Равве, и воевал против нее и взял ее. |
| 30Эксэйзылэн йырысьтыз венец изьызэ басьтӥз, нош со бордын талант зарниез, дуноесь изъёсыз вал. Давид сое ас йыр вылаз понӥз, городысь трос ваньбур поттӥз. | 30И взял Давид венец царя их с головы его, --а в нем было золота талант и драгоценный камень, --и возложил его Давид на свою голову, и добычи из города вынес очень много. |
| 31Со пушкысь калыкез поттӥз но бычкыос (пилаос) улэ, корт кутэсъёс, корт тӥръёс улэ выдтӥз, ӝуась гуръёсы куштӥз. Аммонлэн вань городъёсызлы озьы лэсьтӥз. Собере Давид вань калыкен ӵош Иерусалиме берытскиз. | 31А народ, бывший в нем, он вывел и положил их под пилы, под железные молотилки, под железные топоры, и бросил их в обжигательные печи. Так он поступил со всеми городами Аммонитскими. И возвратился после того Давид и весь народ в Иерусалим. |
Глава 12