Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИУДАНЬ СЁРМАЦ
Лувондови, тя сёрмать тяштезе Иуда, Исусонь дуганоц, кона лятфневи Матвеень коряс Евангелияса (13:55).
Иуда тонафтсыне кристиаттнень «ащемс ся кемамать инкса, кона весть максф иняруфненди». Ташта Сотксста сявф кепотькс вельде Иуда карнесыне кемайхнень, аф мярьгонди тиендемс пежетю ломаттнень лаца: «Мялезе лятфтамс тейнть, мезть содасасть ни: Азорсь лихтезе ломаньтналонц Египетонь масторста, но аф кемайхнень сяльде машфтозень. Содомань, Гоморрань и перьфпяльдень ошэряйхне эрясть туткотксшиса и панцесть нильготькс тев мельге, Азорсь синь ёрдазень пефтома пингонь толс. Тя путфоль няфтемакс сембе лядыхненди.
И сяка ня шава арьсекшнихне тиендихть тяка лаца: гаснесазь ронгснон, мезькска аф путсазь Шкайть азорксшинц и сялнесазь менельса эряйхнень... Синь кода оцюведень кяжи ведькомболкст, конат шовиякшнихть эсь визьксфтомашисост; юрги тяштть, конат максфт пефтома пингонь шобдати».
Иуда тонафты, кода эряви эрямс и кемамс: «Тинь, кельговикст, эряда кемамань смузть коряс, Иняру Ваймопожфса озондозь. Ванфтость прянтень Шкаень кельгомаса и учеда пароши Исус Кристос Азороньконь эзда, кона максы тейнек пефтома пингонь эряф. Лездода мумс видешить сятненди, кие абонкшни. Идесть, кие идеви тейнть, сембонь тарксесть кода толста».
Сёрмась шумордави Шкаень шнамань мазы валса: «Шнама Шкайти, кинь ули виец ванфтомс тинь прамада и сувафтомс эсь иневалдозонза кеняртьфста и аруста! Шнама вельф смузю фкятяка Шкайти, кона идемазь Исус Кристосонь вельде! Шнама тейнза и инь оцюши, вий и азорксши пингть ушетксста, тяни и пефтома пингс. Аминь».
ИУДАНЬ СЁРМАЦ
498 
