Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛ АПОСТОЛТЬ СЁРМАНЗА
Од Сотксти сувсихть Павел апостолть кемголмува сёрманзовок, конатнень сёрмадозень Римонь, Коринфонь, Эфесонь, Филиппинь, Колоссонь, Фессалоникань ошева и Галатиянь модаса эряй кристиаттненди, тяка лаца башка ломаттнендинге – Тимофеенди, Титонди, Филимононди. (Лувондови, "Еврейхненди Сёрматьке" тяштезе Павел.)
Павелонь сёрманза сявондьсазь Од Сотксть нилецекс пяльксонц. Минь аф оцю книгасонк аш кода няфтемс ня Сёрматнень Шкай валонь сембе козяшисна. Сяс минь макстама эздост мзярошка пакш.
КЕЛЬГОМАСЬ
Шкаень Валсь тонафты: «Шкайсь – кельгома».
Павел апостолсь Коринфоннетненди Васенце Сёрмасонза кельгомать колга сёрмады тяфта:
«Корхтандярян ломанень и ангелонь кяльса, а кельгома эсон аш, эста мон гайняй сере али кайги кядьбайгоня лацан.
Улендяряй шкаймарямань асузе, содандярясайне сембе салавань тефнень, максондярявихть тейне сембе содамошитне и улендяряй кемамазе, конанди сафтови полафнемс панттнень вастснон, а кельгома эсон аш, – эста мон мезевок ашан.
Явондяряса марнек уликсозень, максондяряса плхтамс ронгозеньге, а кельгома эсон аш, – аш тейне тянь эзда кодамонга асу...»
Кельгомась – тя Исус Кристосонь тонафтомаса видьме товнясь. Исус мярьгсь: «Кельк Азорть, Шкайцень, марнек седисот, марнек ваймосот, марнек пряёньцот". Тя васенце и инь оцю кошардомвалсь; омбоцеське кодямонза: "Кельк маластоцень, кода эсь пряцень"; ня кафта кошардомвалхнень лангса ащи-кирди марнек Койсь и шкаймаряйхне» (Матв. 22:37-40).
Библиять лия вастсонза Исус корхтай тяфта Шкаень кельгомать колга: «Шкайсь сяшкава кельгозе масторлангть, нльне максозе эсь фкя-тяка Цёранц эзонза эрь кемайть аф юмаманкса, тейнза пефтома пингонь эряфонь сатоманкса» (Иоанн 3:16).
КЕЛЬГОМАСЬ
«Кельгомать кирдемшкац оцю,
седишкава паронь арьси.
Кельгомась сельме аф каяй,
кельгомась аф прянь няи,
аф прянь шнай,
аф вятьсы прянц казямста,
аф вешендьсы сонценнеть,
аф машни,
аф мяляфты кяж,
аф кеняртькшни кяльготнемати,а кеняртькшни видешити.
Семботь араласы,
сембоса кемай,
пяшксе надиямада,
семботь кирдьсы.
Кельгомась мзярдонга аф юмай...
Тяни эряйхть ня колмотне:
кемамась, надиямась, кельгомась;
аньцек кельгомась эздост инь оцюсь».
Коринфоннетненди 1-це С. 13:4-13
500 - 501 
