Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИОАНН АПОСТОЛТЬ КОЛМА СЁРМАНЗА
Кунардонь азондыхнень и Иняру Сёрматфть содаензон мяльснон коряс, ня колма сёрматнень тяштезень апостолсь и евангелиянь сёрмадысь Иоанн Шкайвалсь. Сембе ня сёрматфонзон эса инь эрявикс валхнень эзда фкясь – тя кельгомась. Иоаннонь Васенце Сёрмасонза инь оцю вастс путфт: кельгомась, Шкайть мархта эряфсь, кенярдемась, сяськомась, прянь ванфтомась, эряфонь смузсь.
Валдса эрямась: «Эряндярятама валдса, кода Шкайське валдса, эста ули фкя-фкянь мархта сотксоньке, и Исус Кристосонь, Шкайть Цёранц, вероц ароптсамазь кодама-повсь пежетьта... Кие корхтай, кле, сон валдса, а сонць афолезе няе эсь седибяльксонц, ся нинге шобдаса».
Кода эрямс масторлангса: «Тясть кельге масторлангть, аф сянь, мезе лангсонза; кие кельгсы масторлангть, сянь эса аш Менелень Аляньконь кельгомац. Сембось масторлангса: ронгонь анелямась*а, сельмоса анелямати прафтомась, эрямста прянь няемась – тя масторлангонь, а аф Аляньконь эзда. Масторлангсь юмай, анелямашис прафтомацка, Шкаень мяльть пяшкодиец эряй пефтома пинге».
Антикристсь: «Кие кяльготнись, кда аф ся, кона Исусонь аф лувсы Кристосокс? Ся антикрист, сон аф лувсы Шкай Алять и Цёранц. Эрьсь, кие аф лувсы Цёрать, сянди аш Аляцка; кие кемай Цёрати, сянди ули Аляцка».
Исус Идись: «Тинь содасасть, Исус сась пежетеньконь сявомост, соньцонза аш пежеть. Эрьсь, кие эряй эсонза, пежетьс аф сувай».
Кельгомась: «Шкаень кельгомась тейнек панжевсь ва мезьса: Шкайсь кучезе масторлангу эсь фкя-тяка Цёранц тейнек эряфонь максома.
Шкайсь – кельгома, кие эряй кельгомаса – ся эряй Шкайть эса, Шкайське соньцонза... Минь кельктяма, сяс мес сон сяда инголи кельгомазь минь... Шкайти кельгомась – тя ванфтомс сонь кошардомвалонзон; а кошардомвалонза аф стакат».
Пефтома пингонь эряфсь: «Тянь сёрмадса тейнть, Шкаень Цёрати кемайхненди, содазасть тянь: тинь ули пефтома пингонь эряфонте».
ИОАННОНЬ 1-ЦЕ СЁРМАЦ
*а Ронгонь анеляма – ублажение плоти.
496 
