Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПЯТА АПОСТОЛТЬ КАФТА СЁРМАНЗА
Пята ульсь Исусонь кемгафтува апостолонзон эзда фкясь. Сон тяштсь кафта сёрмат. Синь лемтьфть Ёмла Азиянь (тяниень Турциять модасонза) кристианонь озкскуротненди. Лувондови, васенце Сёрмать Пята тяштезе кристиаттнень мяльснон кеподеманкса пяк казямста панцемстост. Ся пинкнень кристиаттнень муцендакшнезь и шавондозь. Римонь Империяса ёразь прокс машфтомс кристианонь кемамать, сембода пяк Нерон оцязорть пингста 64-67 кк. Кристосонь шачемада меле. Пята эсь Васенце Сёрмасонза кристиаттненди тяшти тяфта:
«Вдь содасасть, идефтяда тинь пульхкомань тя эряфта, кона илядсь тейнть атянь-атянтень эзда, аф кати-мезьса юмсиса, сияса али зрняса, а Кристосонь, ару и аф мувору верозть, питнидонга питни версонза.
Вдь эрь ломанць тишень кодяма, ломанень кайги лемсь тишень панчф лаца. Коськи тишесь, панчфоцка прай, аньцек Шкаень Валсь эряй пефтома пинге. Тя ся пара кулясь, кона тейнть азонтфоль.
Тяда панда кяженкса кяжса, али сялондоманкса сялондомаса. Меколанкт, бславада, вдь содасасть, тянди тинь тертьфтяда – Шкайть эзда бславамать сявома.
Кристоссь, Шкайти вятеманксонк, весть кирдсь оцю сталмот пежетеньконь инкса, видешистось аф видешистотнень инкса. Кулофтфоль ронгоц, аньцек Шкайсь вельмофтозе ваймопожфонц.
Сюцендярятядязь Кристосонь лемонц инкса, эста вельф павазуфтада, сяс мес иневалдонь Ваймопожфсь, Шкаень Ваймопожфсь ащи лангсонт. Аньцек катк кивок ётксонт аф кирди сталмот кода ломанень шави, салай али зиянонь тии. А кда кие кирди сталмот Кристосонди кемаманкса, ся тяза визде, шназа Шкайть, мес сатозе тя».
Кунардонь азондомать коряс, Пята судендафоль шавомс, сонь эськодезь крёзти алубрят. Тяфта сонць ёрась – эськотьфтемс пря Исус Кристос Азорть лаца лувозе прянц аф кондястикс.
ПЯТАНЬ 1-ЦЕ СЁРМАЦ
494 
