Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЯКУВОНЬ СЁРМАЦ
Якувонь сёрманц тяштезе Исус Кристосонь дуганоц Яку. Сёрмась кучф Исусонди кемай еврейхненди, конат срафтфтольхть Римонь марнек масторть келес. Сон сувси Од Сотксса кунардонь сёрматфнень ёткс.
Якувонь Сёрмасонза мушенттама лама смузю мяльда, кепотьксонди:
Масторлангонь козяшить колга: «Лиси шись, арай опана, псись косьфтасы тишеть, ся прафтсыне панчфонзон, юмай мазышиц; тяфта пужи козяське эсь кисонза».
Пежетьс тяряфнемать колга: «Вельф павазу ломанць, кона кирдьсы пежетьс тяряфнемать, кирдиенцты Азорсь макссы эряфонь коняфксть, конань надияфтозе эсь кельгиензонды».
Кяжть колга: «Тяфта, кельгома седибяльксоне, эрь ломанць сяда маштоза кулхцондома, тяза эряскода корхтама, тяза крьвясне кяженц; сяс мес ломанень кяжсь аф максы эрямс Шкаень видешить коряс».
Шкаень Валть колга: «Шкаень валть аф аньцек кулхцондость, а тиендеда корязонза, тясть васькафне эсь прянтень».
Кулоф кемамать колга: «Тяфта кемамаське, аф улендяряйхть тевонза, кулоф... Кода ронгсь ваймофтома кула, стане кемамаське тевфтома кула».
Кяльть пежетенц колга: «Кяльсь – сонць ёмланя, аньцек лама тии. Ватт, аф оцю толнясь конашкава лама плхтай... Кали фкя и сяка лихтибряста шуди ламбама и сяпи ведь?!»
Сярядихнень колга: «Кда кивок ёткстонт сяряди, катк серьгядьсыне озкскуронь вятихнень. Сят вадезазь сонь вайса Азорть лемса и озондост инксонза; – и кемазь озондомась пчкафтсы сярядить, Азорсь мрдафтсы эрьганц; кда сярядись тись пежетть, нолдавихть тейнза».
Каендамать и озондомать колга: «Виденцякшнеда фкя-фкянь инголе эсь кальдяв тевонтень квалма и озондода фкя-фкянь инкса пчкаманкса: видешиса эряй ломанть седишкава озондомац лама тии».
ЯКУВОНЬ СЁРМАЦ
492 
