Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛОНЬ ШКАЙ ВАЛОНЬ КАНДОМА КОЛМОЦЕДА ЯКАМАЦ
Пингонь ётазь Павел колмоцеда тусь шкай валонь кандома. Сонь киц тага прась Эфесу, Эгеянь оцюведть трваста ошу. Тя ошса Павел покодсь кафтошка киза, «тяфта ся масторонь сембе эряйхне – иудейхневок, грекневок кулезь Исус Азорть колга валонзон. Шкайсь тись лама ацерма Павелонь кядензон вельде...»
Эфесса ульсь Артемида шкайавать мазыдонга мазы шкайкудоц, конань эса стяфнесть 220 киза. Шкайкудсь тифоль мраморста и сувсесь масторлангонь сисем ацерматнень ёткс. Сиянь тевса покодихне и архтыхне*а козякоткшнесть налхкшень шкайкуднянь мишендезь. Синь кеподезь ошень ломаттнень Павелонь и кристиаттнень каршес, сяс мес Артемиданди ламоц сюконякшнихне шарфтсть эрек Шкайти и лоткасть рамсемдост налхкшснон.
Павелонди савсь кадомс Эфесть. Сон тусь оцювенчса Эгеянь оцюведть туркс и лотксесь лама вастова Македонияса и Грецияса. Сяльде тусь Милету. Тоза Павел серьгядезень Эфесонь оцю озкскуроста вятихнень, мекольцеда тейст сюкпрянь азома, сяс мес сон содазе, тя эряфса синь оду аф васьфтьсыне. Павел ётазень Кос и Родос усиятнень и Ёмла Азиянь Патара и Тир ошнень, пачкодсь Птолемаидав. Тоста ялга тусь Кесарияв и сяда тов Ерусалиму. Ерусалимса Павелонь кундазь пякстамс.
Шкай валонь кандома Павелонь колмоцеда якамац таргавсь колма-ниле кизос, 54-ста сявомок 57-ти молемс Кристосонь шачемада меле.
Павел Пара кулянь азондомста няйсь лама аф няема. Сонць Павел сёрмады: «Монь пяк пикссемазь, и аф весть улендень кулома лангса. Иудейхне ветексть пикссемазь колмогемонь вейхксувоксть вачкодезь. Колмоксть пикссемазь понаф шнаса, весть пикссемазь кевса, колмоксть ваякшнень оцювенчса уемста и весть ётафтыне марнек шить и веть оцюведьса. Мон фалу ки лангсолень. Повондонь пелькс палас ляйса, лангозон врьгятнесть нельгихть-шавихть, иудейхть и виде шкайфтомот. Повондонь пелькс палас ошса, пелькс палас шавмодаса, пелькс палас оцюведьса и пелькс палас кяльге седибяльксонь ёткса...»
ТЕФНЕ 18:23-21:34;
КОРИНФ. 2-ЦЕ СЁРМАСЬ 11:23-26
*а Архты – художник.
476 
