Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
СЕЛЬМОНЬ ШАРФТОМАНЬ ПЕЖЕТСЬ
Тяниень пингть ламотне кармасть прафтома Сатанань тевс, кодама-повсь сотцемас, колдавамас, сельмонь шарфтомас. Тя оцю пежеть, и Шкайсь кемоста кошардозе эсь ломаньтналонц ванфтомда пря сельмонь шарфтомада: «Тяза уле ётксонт фкявок тяфтама, кие эсь цёранц али стиренц вятнесы толонь пачк, инголькиге азонды, содай, колдавай, ёнень шаракофты, тонашиста виень терди, кулофонь кизефни. Азорть инголе эрь тяфта тиендись нильготькс...» (Омб. к. 18:10-12). «Кармандяряй кивок тернемост кулофнень али сотцема, улеза ава али аля, максовоза куломати; пикссема кевса, вероц эсь лангсонза» (Левит 20:27).
Вов мезе ульсь Эфес ошса Павелонь шкай валонь кандома колмоцеда якамстонза: «Шкайсь аф кржа ацерма тись Павелонь кядьса, нльне сярядихнень лангс путнезь сонь кядьруцянзон и лангстонза лия щамонзон, и синь урмасна потнесь, кяжи ваймопожфне лисендсть эздост. Иудеень якай-шяяй кона-кона кяжи ваймопожфонь панцихневок кармасть лятфнемонза Исус Азорть лемонц кяжи ваймопожфонь панемста. Синь корхнесть: "Эняльттяма тейнть ся Исусонь лемса, конань колга азонды Павел". Тянь тиендезь иудеень Скева озксонь прявятить сисем цёранза. Аньцек аф ару ваймопожфсь мярьгсь каршезост: "Исусонь содаса, Павелоньге содаса, а тинь китяда?" И ломанць, конань эса ульсь кяжи ваймопожфсь, врьгятсь лангозост, сяшкава пикссезень, сят нльне крхтапа и верботмоса ворьгодсть ся кудста. Тянь кулезь Эфесонь сембе иудейхне и грекне, сембе синь пелезевсть, и вяри кеподевсь Исус Азорть лемоц. Ламотне, кит кармасть кемама, сашендсть и виденцякшнесть сембонь ингольде пежетю тевснон колга. А ламотне сятнень эзда, кит шарфнесть сельмот, кочказь эсь книгаснон и плхтазь сембонь ингольде. Мзярда марс лувозь книгатнень питнеснон, лиссь ведьгемонь тёжянь сиянь ярмаконь питне. Тяшка вийса кассь и кеподсь Шкаень валсь».
ТЕФНЕ 19:11-20
478 
