Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛ АФИНАСА
Шкай валонь кандома омбоце якамстонза Павел сась Афинав. Афинась ульсь масторлангонь культурань кучкакс и ламоц философненди шачема вастокс.
«...Павелонь ваймопожфоц ацергодсь, мзярда няйсь ошса тняра эсь тиф шкайда. Тяфта сон эрь шиня ошть кучкаса корхнесь ломаттнень мархта и азондсь вал иудеень синагогаванга. Конакона философне кармасть мархтонза пялькстама; финцне корхтасть: "Мезе мялец азомс тя лама валонь пяярдить?", омбонцне: "Сон, улема, азонды лия шкаень колга", сяс мес сон пачфнесь пара куля Исусонь и кулофста вельмамать квалма.
Павелонь серьгядезь ареопагу и эняльдсть тейнза: "Аф азондсак тейнек, мезень од тонафтома кандоть? Кати-мезе аф шарьхкодеви сай пилезонк; сяс мяленьке содамс, мезе тя тяфтамсь?" Павел арась ареопагть кучкас, ушедсь корхтама: "Афинань эряйхть! Семботь коряс няйса, тинь эсь койсонт пяк кемайхтяда; мзярда ётамбачк ванондыне тинь озондома вастонтень, няень алтарьге, конань лангса тяштьф: аф содаф Шкайти. Вчёк тя аф содаф Шкайть колга, конань тинь апак содак лувсасть, монь и мялезе азондомс тейнть. Шкайсь, кона тиезе менельть и масторть, и семботь, мезе эсонза, – менелень и модань Азор. Сон эряй аф ломанень кядьса тиф шкайкудса, и анай аф ломанень кядьса покодема. Сон сонць максы ломаттненди эряф, вайме и семботь лиять. Фкя ломаньцта сон нолдазень мода лангонь сембе ломаньтналхнень... Шкайть мялецоль – ломаттне вешенделезазь сонь и хуш сокоронькончт мулезазь сонь. Виде сон афи ичкозе ёткстонк эрьть эзда. Вдь минь соньцонза эрятама-ащетяма, якатама. 'Миньге сонь юромстонза', – кода азозь тинь кона-кона валмораенте. А кда минь сонь юромстонза, эста тейнек аф эряви арьсемс, кле, шкаень ликсь шары зрня али сия али кев лангс, конань ликоц тиеви ломанень арьсемать и маштомашить коряс. Аф содамань ся пинкнень Шкайсь кирдсь, аньцек тяни кошардсыне сембе ломаттнень каендама. Сон ладясь ши, мзярда сон кармай судендамонза масторлангть эсь кочкаф Ломаненц вельде. Сон кемокстазе тя кочкамать сембе ломаттнень ингольде, вельмофтезе Кочкафонц кулофста».
ТЕФНЕ 17:16-31
474 
