Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛОНЬ ШКАЙ ВАЛОНЬ КАНДОМА ВАСЕНЦЕ ЯКАМАЦ
(КИПРАВ И ЁМЛА АЗИЯВ)
Павел апостолсь сембе седиса пяшкотькшнезе Исус Кристос Азорть кошардомвалонц, кона максф тейнеконга: «Арда, тонафтость сембе ломаньтналхнень, кстиндасть синь Алять, Цёрать и Иняру Ваймопожфть лемса, и тонафтость синь ванфтомс семботь, мезьс мон кошардодязь...»
Колмоксть Павел апостолсь тушендсь кувака кис Шкай валонь кандома. Сон ётась лама масторга, конат ульсть Римть кядяла.
Васенце якамстонза мархтонзоль Варнава. Антиохияста синь уйсть оцювенчса Киправ. Библияста лувсаськ, вчёк тяса Павелонь (Савлань) кармасть лемнемонза Павелкс. Кипраста синь мрдасть меки Ёмла Азияв. Сяльде, коса ялга, коса осёл лангса пачкодсть Галатияв. Васенда лоткасть Икония ошу, коса Кристосонди кармасть кемама пяк лама ломань, меле тусть Листра ошу. Листраса Азорсь Павелонь вельде пчкафтсь фкя шамор. Ломаттне арьсесть, Павел и Варнава – шкайхть. Зевсонь, эсь тиф шкайть, покодиец тиекшнесь тейст озказне. Аньцек синь лоткафтозь: «Ломатть! Месенттяда? Миньге тинь кодямонт ломаттяма. Канттама пара куля тейнть, тернетядязь тинь аф видексонь шкаентень эзда шарфтомс Эрек Шкайти, кона тиезе менельть и модать, оцюведть, и семботь, мезе эсост... Сон тиенди тейнть пара: максси менельста пизем и сёронь касфты козя пинкт».
Аньцек Листрав саф кой-кона иудейхне ушедсть крьвяснемонза ломаньтналть Павелонь и Варнавань каршес. Павелонь пикссезь кевса, аньцек Шкайсь ванфтозе сонь куломада. Павел поладозе кинц и сась Дербия ошу, тосонга азондозе пара кулять, и лама ломань шарфтсь Азорти. Дербияста Павел и Варнава мрдасть Антиохияв. Тов пачкодемста пуроптсть кемай ломатть и азондозь тейст, мезе тись Шкайсь, и кода сон панжезе кемамань кенкшть виде шкайфтомотненди".
Павел апостолть миссионеронь васенце якамац таргавсь колмошка кизос, 45 кизоста сявомок 48 кизоти молемс Кристосоньшачемада меле.
ТЕФНЕ 13-14
468 
