Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАВЕЛОНЬ ШКАЙ ВАЛОНЬ КАНДОМА ОМБОЦЕДА ЯКАМАЦ
(МАКЕДОНИЯВ И ГРЕЦИЯВ)
Омбоцеда шкай валонь кандома якамстонза Павелонь мархтонзоль Сила, Кристосонди кемай иудей. Антиохияста синь тусть Дербия и Листра ошненди.
Листраса мзярошка кизода инголе Павелонь шавокшнезь кевса. Тяса Павел васьфтсь од ломань – Тимофеень, кона арась тейнза цебярь лездыкс.
Синь састь Троада ошу, кона ащесь Эгеянь оцюведть трвасонза. Улема, тоса тейст педсь Лука, "Апостолхнень тевсна" книгать сёрмадыец. Ся ошса Павел няйсь он: «Эвондась инголенза Македониянь кодама-бди эряй, эняльдезь корхтась тейнза: "Сак Македонияв, лезтт тейнек". Тя онда меле минь эстокиге туме Македонияв, шарьхкодеськ, тя Азорсь серьгядемазь тов пара кулять азондома», – сёрмады Лука.
Павел ялганзон мархта уйсь оцювенчса Филипп ошу. Лувондови, тя ошса кочкафоль Европаса кристианонь васенце озкскурось*а. Филипписа Павелонь и Силань ёрдазь пякстамкудс. Тянь колга минь луфтама тяда мельдень азксса.
Филипписта Павел сась Фессалоникав, Эгеянь оцюведть трваста оцю ошу. Тяса кармасть кемама Шкайс пяк лама гректа. Еврейхнень ёткстовок финцне кармасть кемама, а омбонцне кеподсть жалф. Эста Павелонди и Силанди савсь тумс Вереяошу.
Вереяста Павел сась Афинав. Тоса сон азондсь Шкаень вал и философненди и покоди ломаттненди. Тянь квалманга минь луфтама тяда мельдень азксса. Афинаста сон сась Коринфу, Римонь империять инь содаф ошензон эзда фкяти. Коринфса Павел эрясь киза пяле, тя пингста тяса пуроптфоль кристианонь оцю озкскура.
Коринфста Павел оцюведьге уйсь Эфес оцю ошу. Тяда меле сон поладозе кинц, лотксесь Ерусалиму и мрдась Антиохия ошу.
Павелонь омбоцеда якамац таргавсь колмошка кизос (50 сявомок 53 кизоти молемс Кристосонь шачемада меле), тя пингста ётась аф фкя тёжянь вайгяльбе.
ТЕФНЕ 15:36; 18:22
*а Кристианонь озкскура – Исус Кристосонди кемай ломанень пуромкс.
470 
