Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
АНГЕЛСЬ НОЛДАСЫ ПЯТАНЬ ПЯКСТАМКУДСТА
Ся кунардонь пинкнень ушедсть панцемонза-срафнемонза васень кристианонь озкскуроть. Ирод оцязорть кошардоманц коряс шавфоль Яку апостолсь, Иоаннонь альнякац. Ваны оцязорсь, тя тусь иудейхнень мяльс, пякстазе Пята апостолтьке, арьсесь очижида меле судендамс сонь ломаттнень инголе. Пякстамкудса Пятань ванозь ушматт, а озкскурось сембе тя пингть седи ваксста озондсь инксонза Шкайти.
Ся шинь карша веть, мзярда Ирод ёразе лихтемс Пятань ломаньтналти, Пята удось кафта ушматтнень ёткса. Сон пинкстафоль кафта цинзерса, тяда башка кенкш видесонга ащесть ваныхть. Апак учт веньгучкать эвондась Азорть ангелоц, и сельмонь пиди валдсь валдоптозе марнек пякстамкудть. Ангелсь тулхмадезе Пятань бокапяльти, сргозьфтезе и мярьгсь: «Стяк куроконе». Цинзерхне Пятань кядьста эстокиге прасть. Сямольде ангелсь мярьгсь: «Щак щамцень и мольхть мельган». Пята лиссь и тусь мельганза, сон арьсесь няи эвонькс, нинге ашезе шарьхкоде – сембось тя тиендеви шистонза. Ётасть кафта ваныхнень вакска, маладсть ошу вяти кшнинь ортатненди, сят эсезост панжевсть и синь листть. Фкя курнява ётамста ангелсь апак учт юмафтсь.
Эста Пята сась эсезонза, мярьгсь: «Тяни афкукс няйса, Азорсь кучезе ангелонц и араламань Иродонь кядьтонза и сембода сяда, мезе учсь Иудеянь ломаньталсь». Тянь шарьхкодемста Пята тусь Мариянь, Иоаннонь тядянц, кудонцты. Тоза пуромсь озондома лама кемай ломань. Мзярда Пята сась тов, сон азондозе тейст, кода Азорсь лихтезе пякстамкудста.
ТЕФНЕ 12:1-17
466 
