Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
КОРНИЛИЙ СЯДОНЬ ВЯТИСЬ
Исус Кристосонь и сонь апостолонзон эрямстост Израилень модась, кода Модакучкань оцюведть видеса лия масторхневок, ульсь Римть кядяла. Римонь ломаттне кирдезь ня масторга эсь ушмовийснон. Тяфта лемневи Италиянь ушмовий ащесь Палестинаса, оцюведь трвань Кесария ошса. Ушмовийса ульсь фкя сядонь вяти, лемоцоль Корнилий. Сонцьке, кудэряензовок ульсть «парокоень и Шкайда пели ломатть. Корнилий тись лама цебярь иудейхненди и фалу озондсь Шкайти.
Весть шить тейнза эвондакшнесь эвоньксса Шкаень ангелсь, кона сувась тейнза и мярьгсь: "Корнилий!... Озондоматне и ломаненди лездомаце пачкодсть Шкайти. Кучт ломатть Иоппияв и серьгятьк Симононь, конань лемнесазь Пятакс... Сон азсыне тейть валхнень, конатнень вельде идеват тонць и сембе кудэряйхневок". Кодак ангелсь юмафтсь, эста Корнилий тердезень кафта покодиензон и Шкайти кемай фкя ушманть, азондозе тейст семботь и кучезень Иоппияв».
Иоппиясь ащесь кодгемонь вайгяльбе вастса Кесариять эзда лямбе шири. Ушматтне састь Иоппияв, вешезь Пятань. Сон каванязень синь и омбоце шиня тусь мархтост. «Шида меле синь пачкодсть Кесарияв. Корнилий серьгятьф эсь юромонь ломанензон и мала ялганзон мархта учезе ни сонь...» Пята пшкядсь пуромфненди: «Мон афкукс содаса, Шкайсь аф яви ломаттнень эса. Эрь юромонь ломанць, кона пели эздонза и тиенди видешис коре, тушенды сонь мялезонза. Сон кучсь Израилень ломаттненди вал, азсь пара куля седиень сетьмошить колга, конань максозе Исус Кристос, – сон, кона сембонди Азор... Сонь иудейхне повфтазь крёзти и шавозь. Но Шкайсь вельмофтезе сонь колмоце шиня... Сон кошардомазь минь кандомс вал ломаттненди и азондомс: сон Шкаень путф судья шистотненди и кулофненди. Сонь колганза сембе шкаймаряйхне пачфнихть: эзонза эрь кемайть сонь лемсонза нолдавихть пежетенза...» Корнилий, марнек кудэряензовок, ялганзовок кармасть кемама Исус Кристосонди, Шкаень Цёрати, и кстиндафтсть пря.
ТЕФНЕ 10
464 
