Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ТАВИФА ТОНАФНИСЬ
Кати-мзярда Иоппиясь ульсь Модакучкань оцюведь трвань ошекс. Ошсь ванфтовсь тянемс. Сон ащи Тель-Авивть, Израилень инь оцю ошть, эзда кафтошка вайгяльбе вастса, аньцек тяни сон лемневи – Яффа.
«Иоппияса тонафнихнень ёткса ульсь фкя ава, лемоцоль Тавифа, кона ётафневи, "пандонь сяваня" (газель); сон тиендсь пара тефт и най макссесь анцинятненди. Лиссь стане, ся шитнень сон урмаськодсь и кулось; авать штазь и путозь вярцень кудбяльксс».
Пята апостолсь ульсь эста Лиддаса. Лиддась аф ичкозель Иоппиять эзда, и кристиаттне кучсть Пятань инкса кафта ломатть, вельдест эняльдсть тейнза куроконе самс.
«Пята тусь мархтост. Пачкодемстонза сувафтозь ингольдень куду. Сембе удаватне васьфтезь сонь сельмоведьботмоса, няфнезь панархнень, щапнень, конатнень стакшнезень Тавифа. Пята панезень сембонь, плманжа лангса пульзязь озондсь, сяльде пшкядсь кулофти: "Тавифа! Стяк". Ся панжезень сельмонзон, няезе Пятань, озась. Пята максозе кяденц, стяфтозе, меле серьгядезень удаватнень, сембе кемайхнень и ладязе инголест вельмафть.
Тя кулясь срадсь марнек Иоппиять келес, и ламотне кармасть кемама Азорти. Пята эрясь Иоппияса Симон кедень тиить пяле мзярошка ши».
ТЕФНЕ 9:36-43; ГАЛАТТНЕНДИ СЁРМА 6:9
462 
