Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС КРИСТОСОНЬ МЕНЕЛИ КЕПОДЕМАЦ
Вельмамадонза меле Исус нинге нильгемонь шит эвондакшнесь тонафниензонды, корхнесь тейст Шкаень Оцязорксшить колга.
Меколи сон кочказень тонафниензон, мярьгсь тейст: «Тяда тушенда Ерусалимста, учесть Алязень надияфтфонц, мезть кулесть моньцтон. Иоанн кстиндась ведьса, а тинь, мзярошка шинь ётазь тяда меле, ульхтяда кстиндафт Иняру Ваймопожфса... Мзярда валги лангозонт Иняру Ваймопожфсь, тейнть максови вий и ульхтяда монь колган азондыкс Ерусалимса, марнек Иудеяса, Самарияса и – нльне модать пес молемс... Арда масторлангть келес и азондость пара кулять сембе ломаттненди. Кие кармай кемама и прянь кстиндафтома, ули идеф; кие аф кармай кемама, ули судендаф. Кемайхненди кармайхть тиендевома тяфтама тяшкст: лемсон синь кармайхть панцемост шяйтаттнень; кармайхть корхтама од кяльса; кда сявихть кядезост куй, али симихть урафтома ведьта, кальдяв тейст аф ули. Путсазь кядьснон сярядихнень лангс, и сят пчкяйхть».
Тонафниензон мархта тя корхтамада меле, Исус Кристос синь сельминголест кеподсь менели, и коволсь кяшезе сонь ванфснон эзда. Мзярда тонафнихне ванцть менели сонь кеподемстонза, апак учт эвондасть инголест акша щамса кафта алят и мярьгсть тейст: «Галилеянь алят! Мезе тинь ащетяда и ваттада менели? Тя Исус, кона кеподсь тинь эздонт менели, сай меки тяка лаца, кода няесть сонь менели кеподема».
МАРК 16:15-19; АПОСТОЛХНЕНЬ ТЕВСНА 1:3-11
438 
