Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
«КЕЛЬГСАМАК МОНЬ?»
Исус эвондакшнесь тонафниензонды Галилеяса Геннисаретонь эрьхкть видесонга.
«Марсотольхть Симон-Пята, Фома, конань лемнезь Кафтазь, Галилеянь Канаста Нафанаил, Зеведеень цёранза и тонафнихнень эзда нинге кафта. Симон-Пята корхтай тейст: "Молян калонь кундама". Синь каршезонза: "Миньге мольхтяма мархтот". Тусть, эстокиге озасть венчс, аньцек ся веня мезевок ашесть кунда.
Мзярда сась шобдавась, Исус ащесь оцюведь трваса; аньцек тонафниенза ашезь сода сонь. Исус корхтай тейст: "Ули мезеньге ярхцамбяленте?" Сят каршезонза: "Аш". Сон мярьгсь тейст: "Ёрдасть афтомантень венчть види ширес, эста кундатада". Синь ёрдазь, и повсь лама кал – аф таргавомшкаль афтомасна тняра калть эзда. Эста фкя тонафнись корхтай Пятанди: "Тя Азорсь"... Тонафнихне пачкотькшнесть венчса эрьхке трвати, аф ичкозель ни модась... ускозь мельгаст кал мархта афтомаснон. Мзярда шятясть модати, няйсть крьвястьф толмар, лангсонза кал и вакссонза кши...
Тя колмоцеда ни Исус эвондась тонафниензонды кулофста вельмамдонза меле.
Мзярда синь ярхцасть, Исус корхтай Симон-Пятанди: "Ионань Симон! Кельгсамак монь синдедост пяк?" Пята корхтай тейнза: "Тяфта, Азорозе! Содасак, келькте тонь". Исус корхтай тейнза: "Ваныть вероскянень". Лия пингоня Исус тага корхтай тейнза: "Ионань Симон! Кельгсамак монь?" Пята корхтай тейнза: "Тяфта, Азорозе! Содасак, келькте тонь". Исус мярьги тейнза: "Ваныть учанень". Исус корхтай тейнза колмоцеда: "Ионань Симон! Кельгсамак монь?" Пичедезевсь Пятань седиец, мес сон колмоцеда кизефтезе, кельгсы сонь али аф. Мярьгсь тейнза: "Азорозе! Тон семботь содасак; содасак, келькте тонь". Исус мярьгсь тейнза: "Ваныть учанень».
"Ваныть вероскянень", "Ваныть учанень" валхнень вельде Исус Азороньке кошарясы Пятань и лия тонафниензонга най мяляфтомс кемайхнень колга.
ИОАНН 21:1-17
436 
