Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
КЕМОНЬ СТИРЬХНЕНЬ КОЛГА ВАЛВЕЛЯФКС
Модать лангс омбоце саманцты Исус лемдезе тя валвеляфкстьке.
«Эста Менелень Оцязорксшись ули ня кемонь стирьхнень лаца, конат сявозь вайтолснон, лиссть рьвяяйть васьфтема; ёткстост вететне ёнюфт, вететне ёньфтомот. Ёньфтомотне вайтолонь сявомста ашесть сяве мархтост вай, а ёнюфне сявсть кядьгоняс вайге. Рьвяяйсь кирдевсь, и синь сембе матодовсть.
Пялевеня кулевсь вайгяль: "Вов рьвяяйсь сай, лиседа васьфтемонза". Сембе стирьхне сргозсть, петезь вайтолснон, ёньфтомотне корхтайхть ёнюфненди: "Нюрьхтядовака аф лама вайня, минь толоньке мадыхть". Ёнюфне каршезост: "Аф, эста аф саты эстейнеконга, тейнтенге, арда ды рамада эстейнть". Мзярс стирьхне якасть рамама, тя ёткть сась рьвяяйсь. Ёнюфне, кит лац-ряц анокласть, тусть мархтонза рьвяямань илас, кенкшне пякставсть.
Меколи састь лядыкс стирьхневок, корхтайхть: "Азороньке, панчк тейнек!" Сон мярьгсь каршезост: "Видеста корхтан тейнть, аф содатядязь тинь".
Тяфта, тяда уда, вдь аф содасасть аф шить, аф пингть, мзярда сай Ломанень Цёрась».
МАТВ. 25:1-13
406 
