Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС КОРХТАЙ САЙ ПИНГТЬ КОЛГА
Библияса лама вастова минь луфтама ингольпяли азомат Исусонь омбоцеда саманц колга. Омбоцеда сон сай эсь сембе иневалдсонза марнек масторлангонь Азоркс. Сонь самдонза инголе модать лангса улихть пяк оцю сталмот-зиятт. Исус тянь колга корхнесь тонафниензонды тяфта:
«Ванфтода пря, кивок афоледязь васькафта; вдь ламотне сайхть монь лемозень ала, кармайхть корхтама: "Мон Кристосан", и ламотнень васькафтсазь. Тинь кульхтяда торпингонь зярьф и тюремань колга кулят. Ванода, тяда эвотькшне; семботи тянди эряви улемс. Аньцек тя нинге аф пе: кеподи ломаньтналсь ломаньтнал лангс, масторсь мастор лангс, кармайхть улема вачашит, кулома урмат, лама вастова модашерьхкомат; сембось тя ули аньцек шачфтомъётконь маятамакс.
Эста муцендатядязь и шавонттядязь; тинь афоледязь няе сембе ломаньтналхне лемозень инкса. Эста васькафтовихть ламотне; кармайхть фкя-фкянь мишендема, афольхть няе фкяфкянь; кеподихть ламоц кяльге шкаймаряйхне, васькафтсазь ламотнень. Койфтомашить касоманц сюнеда ламотнень седисост кельми кельгомась. Кие кирдьсы семботь педа-пес, ся идеви. Но тяда инголе марнек менельге-масторга азондсазь Оцязорксшить колга пара кулять; аньцек эста сай пе... Вдь кеподихть кяльге кристосне и кяльге шкаймаряйхне, конат няфтихть оцю тяшкст и ацермат. Кочкафненьге васькафтсазь, кда васькафтовихть...
Апак учт, ся шитнень сталмодост меле, шись равчкоды, ковське аф макссы валдонц, тяшттневок прайхть менельста, менелень вийхне шерьхкозевихть. Эста эвондай менельса Ломанень Цёрать тяшксоц. И мода лангонь сембе ломанень юропне аварьгодыхть, мзярда няйсазь, кода Ломанень Цёрась сай коволхнень лангса инь оцю вийсонза и иневалдсонза...
Менельсь и модась юмайхть, а монь валне аф юмайхть. Ся шить и пингть колга кивок аф содай, содай аньцек ськамонза Алязе... Уледа анокт, сяс мес аф содасасть, кона пингть сай Азоронте».
МАТВ. 24:4-42
404 
