Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
САМАРИЯНЬ ЛЯПЕ ВАЙМЕ ЛОМАНТЬ КОЛГА ВАЛВЕЛЯФКС
Шкаень Койс фкя тонафтысь тяряфнезь весть кизефтезе Исусонь: «Тонафты, мезе мондейне тиема пефтома пингонь эряфс суваманкса?» Исус мярьгсь тейнза: «Койса мезе сёрматф? Кода лувсак?» Койти тонафтысь мярьгсь: «Кельк Азорть, Шкайцень, марнек седисот, марнек ваймосот, марнек вийсот, марнек пряёньцот и маластоценьге, кода эсь пряцень». Исус мярьгсь тейнза: «Видеста корхтат: тяфта тиентть и кармат эряма». Аньцек ся ёрась няфтемс эсь прянц видекс и кизефтезе Исусонь: «Кие ина монь маластозе?» Тянь каршес Исус азондсь валвеляфкс:
«Фкя алясь мольсь Ерусалимста Ерихону, лангозонза врьгятсть нельги-шави ломатть, нельгозь сембонц, нльне щамонзонга, пикссезь и ворьгодсть, кадозь сонь пялес кулоста. Ся ёткть тя киге ётась озксвяти, сон няезе пикссефть и тусь эсь киганза. Тяфта тись левиеннеське*а, тоза повомста няезе алять и ётась вакска. Самариянь эряйське*б ётамбачк музе пикссефть. Кодак няезе, ацергодсь седиец, нажядсь, ронгстонза сязентьфтапаф васттнень валозень винаса и вайса, сотозень. Сяльде озафтозе эсь осёлонц лангс, ускозе инжиень кудс и якась мельганза. Омбоце шиня тумстонза таргась кафта динарият, максозень инжиень кудть азоронцты, мярьгсь: "Якак мельганза; ётафтондярят сяда лама ярмак, меки мрдамстон макссайне тейть".
Азксонц аделамда меле Исус кизефтезе Шкаень койти тонафтыть: "Кода арьсят, кие ня колмотнень эзда малаль пикссефти?" Койти тонафтысь каршезонза мярьгсь: "Ся, кона тись тейнза пара". Эста Исус мярьгсь тейнза: "Архт, тяфта тиентть тонга».
ЛУКА 10:25-37
*а Левиеннетне – Левиень, Яковонь 12 цёранзон эзда фкять, уноконь уноконза. Синь покодсть Ерусалимонь шкайкудса.
*б Самариянь эряйхть, лама юромста шоряф ломаньтнал, лиссть виде шкайфтомотнень ёткста. Сявозь-тонадозь еврейхнень кона-кона койснон. (Ванк 214 лопаланкть.)
360 
