Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВАЛВЕЛЯФКС СЕДИФТОМА ПОКОДИТЬ КОЛГА
Весть Пята маладсь Исусонди, кизефтезе: «Азорозе! Мзяроксть простямс седибяльксть, кона тиенкшни тейне кальдяв? Мянь сисемксть?" Тянь каршес Исус мярьгсь: "Аф мярьган тейть сисемксть, а сисемонь-крда сизьгемоньксть.
Вдь Менелень Оцязорксшись ся оцязорть лаца, кона ёрась покодиензон кядьста пантфтомс шумоснон. Мзярда сон ушедсь лувома, тейнза вятсть фкя ломань, кона тейнза шумуволь кемонь тёжятть талант*а. Аньцек сянди ашель мезьса пандомс. Эста оцязорсь мярьгсь мимда сонцень, рьванцка, идензонга, сембонц, мезец ульсь, и пандомс шумонц. Покодиец прась плманжа лангс и эняльгодсь: "Оцязор! Учт, и мон семботь пандса". Оцязорти ужялькс арась сон, нолдафтозе, шумонцка нолдазе.
И вов ся покодись лиссь, васьфтезе ялганц, кона тейнза шумуволь сяда динарий, кундазе сонь и кармась пондамонза, корхтась: "Пантк шумоцень". Ялгац прась пильгозонза, эняльгодсь: "Учт, семботь пандса". Аньцек сон ашезь ёра учемс, мольсь и пякстафтозе ялганц шумонц пандомозонза.
Лия покодихне няезь тянь, аф пара арась мялезост. Синь мольсть оцязорти и азондозь, мезе ульсь. Эста оцязорсь серьгядезе сонь и корхтай: "Кяжи уре! Эняльдеманксот тейть марнек шумоцень нолдайне; тейтьке эряволь ужяльдемс эсь ялгаце, кода мон ужяльдихтень тонь!" Кяженьбачк оцязорсь максозе сонь нефтемс-муцямс снярс, мзярс аф пандсы шумонц. Менелень алязевок тяфта тии мархтонт, кда седи ваксста аф нолдасасть седибяльксонтень пежетьснон».
*
"Менелень Аляньке" озондомаса Исус тонафтсамазь озондома: «Нолдайть шумоньконь, кода миньге нолясаськ тейнек шумуфненди».
МАТВ. 18:21-35; 6:12
*а Талантсь ся пингонь Израильса инь питни ярмаколь, питнецоль 6600 динария.
358 
