Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИСУС – ПАРА ВАНЫ
Исус сидеста корхнесь ломаттненди и тонафниензонды ломаттнень пежетьс прамаснон колга, каендамать эрявиксшинц и Шкайти шарфтомать колга, нинге сянь квалмавок: «Шкайсь сяшкава кельгозе масторлангть, нльне максозе эсь фкятяка Цёранц эзонза эрь кемайть аф юмаманкса, тейнза пефтома пингонь эряфонь сатоманкса».
Тянь колга Исус сидеста корхнесь валвеляфксса, кепотьксса и пацяву кяль-валса. Кода ракша ванысь пичеди эсь учанзон инкса, стане Исусовок, масторлангонь Идись, пичеди сятнень инкса, кит сявсазь сонь седиезост и тиихть эряфсост кошардомвалонзон коряс. Вов Исус Азорть валонза:
«Видеста корхтан тейнть: мон учатненди ортан. Сембе, кит сашендсть мондедон инголе – салайхть, нельгихть-шавихть; аньцек учатне ашезь кулхцонда синь. Мон ортан: кие сувай эзган, ся идеви; сувайге, лисивок; ярхцамска муй. Салайсь сашенды аньцек салама, шавома и машфтома. Мон сань тейст эряфонь максома и максома пряда вельф.
Мон ся ляпе вайме ванысь, кона путсы эряфонц учанзон инкса. Ина сивотьфсь – аф афкуксонь ваны, учатне аф соннеть. Кодак няйсы врьгазть, кадсыне учатнень и ворьгоди. Врьгазсь салсесыне учатнень, срафнесыне. Сивотьфсь ворьгоди, сяс мес сивотьф, аф лажнай учатнень инкса.
Мон ляпе вайме ваныян. Содасайне монценнетнень, синьге содасамазь монь, стане кода Алязе содасамань монь и монга содаса Алязень; эряфозеньге путса учатнень инкса. Улихть лия учаневок, конат аф тя пирьфста, сятненьге эряви тейне вятемс: синьге кульсазь вайгялезень, и кармай улема фкя стада и фкя ваны.
Сяс кельгсамань Алязе, мес максса эряфозень сонь оду сявоманц инкса. Кивок аф нельгсы эряфозень кядьстон, монць максса. Ули виезе максомс и ули виезе сявомс сонь меки. Тя кошардомвалть тейне максозе Алязе».
ИОАНН 10:7-18
362 
