Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
2. КОЙТЬ, КОТОЦЕ КОШАРДОМВАЛТЬ, РЬВЯЯМАТЬ И ПЕЖЕТЬКСТАМАТЬ КОЛГА
«Тяда арьсе, бта мон сань Шкаень Койть колама: аф коламонза сань, а пяшкодемонза. Видеть корхтан тейнть: мзярс кирдихть менельсь и модась, фкявок арженя, фкявок китькскя аф юмай Койста, мзярс сембось аф пяшкодеви. Тяфта, кие коласы фкявок кошардомвалть, хуш анцяйнять, и тонафтсыне тянди ломаттнень, ся анцяйнякс лувови Менелень Оцязорксшиса. А кие пяшкодьсы Койть и лиятненьге тонафтсыне пяшкотькшнемонза, ся лемдеви инь оцюкс Менелень оцязорксшиса.
Тинь кулесть, мезе азфоль атянь-атяньконди: "Тят шавонда, кие шави, ся судендави". Мон корхтан тейнть: эрьсь, кие стакащемда кяжиякшни альняка-дуган лангс, ся судендави; кие мярьги мала ломаненцты: "шава пря", – сянь судендасы Оцю пуромкссь; кие мярьги: "пяляз", сянь вастоц фалу юрнай толонь лашмоса.
Кандондярясак эсь казнецень алтарти и тоса лятфтандярясак – седибяльксце мезевок кирди потмосонза каршезт, катк казнецень алтарть инголи, архт васенда седибяльксцень мархта ладяк ётконтень. Тяда меле сак меки и макск казнецень...
Тинь кулесть, атянь-атяньконди азфоль: "Тяк полафне лиянь лангс полацень". Мон ина корхтан тейнть, кие ваны ава лангс визьксфтома сельмоса, ся седисонза усксевсь ни мархтонза... Ускондярятанза види сельмоце пежетьс, таргак сонь и ёрдак! Тондейть сяда пара ули, кда фкя сельмоце, а аф марнек ронгце ёрдави аф мадонды толс.
Нинге тинь кулесть, мезе азфоль атянь-атяньконди: "Тят пота пежетькстамадот – максф валдот. Пяшкотьк пежетькстамацень, конань максыть Азорть инголе". Ина мон корхтан тейнть: прокс тят пежетькшне!... Кда мяленте мярьгомс "тяфта", мярьгода – тяфта, кда мяленте мярьгомс "аф", мярьгода – аф. Ина мезе тяда башка, ся моли идемевозть эзда».
МАТВ. 5:17-37
полатксоц моли
332 
