Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПАНДА ЛАНГОНЬ ТОНАФТОМАСЬ
1. ВЕЛЬФ ПАВАЗУВОНЬ КОЛГА
Весть Исус куцсь панда пряс, озась тов и, мзярда маладсть тейнза тонафниенза и лия ломатть, кармась синь тонафтомост. Исусонь тя корхтамац лемневи "Панда лангонь тонафтомакс". Сон сёрматф Матвеень коряс Евангелияса 5, 6, 7 пялькснень эса. Панда лангонь тонафтомась – тя Исус Кристосонь марнек тонафтомаса ащи видьме товнякс. Марса кемонь кошардомвалхнень мархта, конатнень Шкайсь максозень ломаттненди Моисеень вельде, Панда лангонь тонафтомась ащи тейнек эряфонь кинь няфтикс. Сяс лувсаськ сонь оцюшка пяльксонц Матвеень коряс Евангелияста.
«Вельф павазуфт сят, кит ашуфт Шкайть инголе: синне Менельсь, коса оцязорондай Шкайсь.»
«Вельф павазуфт авардихне: синь лястявихть.»
«Вельф павазуфт сятяфне: синь мельгаст ляды модась.
Вельф павазуфт видешис вачихне и шяихне: синь топодихть.
Вельф павазуфт шумонь нолдайхне: синценьге нолдави шумосна.
Вельф павазуфт ару седихне: синь няйсазь Шкайть.
Вельф павазуфт сетьмошинь тиихне: синь лемдевихть Шкаень идькс.
Вельф павазуфт видешинкса паньфне: синне Менельсь, коса оцязорондай Шкайсь.
Вельф павазуфтада тинь, мзярда кармайхть монь инксон сялдомонт, панцемонт, кяльготнезь кода-повсь корхтафтомонт. Кенярдеда и касост седиенте, сяс мес менельса тинь казненте оцю. Тиндедонт инголе тяфта панцезь шкаймаряйхненьге.
Тинь – модать салоц. Юмафтондярясы салсь таньфонц, эста мезьса тисак салукс? Сон мезьска ни аф кондясти, аньцек кда ёрдамс ломанень пильгалу.
Тинь – масторлангть валдоц. Аф кяшеви панда прястонь ошсь. Крьвястьф вайтолть аф путнесазь кядьге алу, путнесазь шантал*а лангс, валдоптоза кудботмоса сембонди. Тяфта тиньге валдонте валдоптоза ломаттнень инголе, катк синь няйсазь пара тевонтень и шнасазь Менелень Алянтень.»
МАТВ. 5:3-16
полатксоц моли
*а Шантал – вайтолонь, штатолонь алкс, путома васта.
330 
