Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
УРМАНЬ ТАПАФТЬ ПЧКАФТОМАЦ
Капернаум ошса улемстонза Исусонь перьфке пуромсь лама ломань, ашуфт и козят, конат састь коста-повсь. Сон тонафтсь эсост и Шкаень вийсь няевсь сярядихнень пчкафтомаса. Ся кудти, коса тонафтсь Исус, кати-кодама ломатть кандсть пчкафтомс урмань тапаф ломань. Тняра пуромфть ёткова куду исть сував кенкшева. Эста синь куцсть кудбряв, тисть эзонза варя и ацамнек нолдазь сяряди ялгаснон кудгучкав видеста Исусонь инголи. Исус няезе кемамашиснон, мярьгсь урмань тапафти: «Нолдавихть тонь пежеттне».
Койти тонафтыхне и фарисейхне*а, кит ашесть кема Исусонди, эсь ётковаст ушедсть корхнема: «Кие тяфтамсь, кона пеедьсы Шкайть? Кинь ули виец, Шкайда башка, нолямс пежетть?» Исус шарьхкодезень мяльснон, мярьгсь тейст: «Мезе кирттяда седисонт? Мезсь сяда тёждя азомс: "Нолдавихть тонь пежеттне" али "Стяк и якак"? Ина содасть – Ломанень Цёрать модать лангса ули азорксшиц нолямс пежетть. Корхтан тейть, – мярьгсь урмань тапафти, – стяк, сявк ацамцень и архт кудозт».
Сярядись стясь, сявозе ацамонц и, пчкафтоманкса Шкаень лемть шназь, тусь куду. Сембе тостотневок шназь Шкайть, корхтасть: «Тячи минь няеме ацермань тефт».
ЛУКА 5:17-26
*а Фарисеень лувксти сувсесть еврейхть, конат кемоста ванфтозь Моисеень Коенц.
328 
