Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
0ИОИЛЬ ШКАЙМАРЯЙСЬ
Аф содаф, мзярда эрясь Иоиль шкаймаряйсь, лувондови, сон ульсь Иудань васенце шкаймаряйхнень эзда фкясь. Сон корхнесь ичкоздень сай пингть, Азорть шинц саманц колга.
«Вай, кодама шись сай! Маласа ни Азорть шиц: сай машфтомась, конань кучсы Сембонь Кирдись... Турада турамаса Сионца, нолдада тердемань гайф иняру пандозень лангста; трнатост модань сембе эряйхне, вдь малаткшни Азорть шиц, сон маласа ни... Мекольдень шить кармай улема тяфта: Шкайсь каяй эсь Ваймопожфтонза эрь ломанть лангс. Тяфта тинь цёранте и стиренте кармайхть азондома сай пингть колга; атянте кармайхть няема отт, од ломаттненди кармайхть эвондакшнема эвонькст. Ся шитнень тяка лаца каяй Ваймопожфтонза уретнень и уряватнень лангска. Сон няфти тяшкст менельса, мода лангсовок: вер, тол, качамонь палматть. Шись тиеви шобдакс, ковсь – веркс Азорть инь оцю и пелькс шинц самда инголе. Ули тяфта: эрьсь, кие тердьсы Азорть лемонц, идеви. Сион панда лангса и Ерусалимса кармай улема идемась, кода мярьгсь Азорсь. Сят, конатнень серьгядьсыне Азорсь, сят идевихть».
Иоиль азонкшнесь Израильть одукс кеподеманц колгавок: «Ваность, нинге мезе тиеви! Сай пинге и мон полафтса цебярь шири Иудать и Ерусалимть эряфснон. Мон кочкасайне сембе ломаньтналхнень и вятьсайне Иосафатонь лаймос, тоса судендасайне ломаньтналозень и масторозень Израильть инкса. Синь срафтозь Израильть лия ломаньтналхнень ёткова и явозь модазень. Ломаньтналозень инкса ёрясть жерьбат... Торазеви Азорсь Сионцта, максы вайгяль Ерусалимста; шерьхкозеви менельсь и модась; аньцек Азорсь ули эсь ломаньтналонцты аралайкс и нежекс Израилень ломаттненди».
ИОИЛЬ ШКАЙМАРЯЙТЬ КНИГАЦ
272 
