Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ОСИЯ ШКАЙМАРЯЙСЬ
Осия шкаймаряйть книгаса няфневи Шкайть и Израильть ётксна мирдень-рьвянь соткс лаца: Шкайсь кода виде вайме мирде, а ломаньтналсь кода усксеви рьвя. Осия шкаймаряйсь сёрмадсь тяфта:
«Кулхцондость Азорть валонц, Израилень ломатть! Азорсь суд ётафты тя масторонь эряйхнень лангса, сяс мес синь Шкайда аф содайхть, аш эсост аф видеши, аф ужяльдема. Шава валонь максомась и васькафнемась, ломанень шавомась, саламась, усксевомась срадсть келес, веронь пяярдемать мельге моли веронь пяярдема... Машфтови ломаньтналозе, мес Шкайда аф содай. Кода тон ёрдамайть, стане монга ёрдате, тон сяда тов аф улеват тейне озксвятикс. Кода тон юкстайть Шкайцень коенц, стане монга юкстасайне иттнень... Тят кеняртькшне, Израиль, седиень элякодомозт лия ломаньтналхнень лаца, вдь тон Шкайцень эзда аердозь тиендят нильготькс тефт...»
Шкаймаряйсь мярьгсь ломаньтналти кадомс пежетю тевонзон, корхтась: «Шарфтт, Израиль, Шкай Азорцти! Тон прать эсь кальдяв тефнень сюнеда. Пшкядеда Шкайти, мярьгода тейнза седишкава: "Нолдайть пежетеньконь, кулить валоньконь. Минь кандсаськ тейть озказненди озондоманьконь." Эста Шкайсь мярьги: "Мон пчкафтсайне прамаснон эзда, карман кельгомост пара мялень коряс; вдь кяжезе лангстост ётась. Мон улян Израильти летьке путерькскакс; сон кармай панжема акша панчфокс, юрхтка нолдай Ливанонь кедра лаца».
Ичкоздень сай пингть колга Осия корхтась: «Кармай улема Израилень ломаньда кода оцюведень шуварда, кона аф лувови, аф ункстави. Тяни тейст мярьгихть: "Тинь аф моннетяда ломаньтналсь", а эста мярьгихть тейст: "Тинь эрек Шкайть иденза».
ОСИЯ 4:1-2,6; 9:1; 14:2-6; 1:10
270 
