Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЭСФИРЬ ОЦЯЗОРАВАСЬ
Артаксеркс персиянь оцязорсь срхкась рьвяямс. Сон ёрась тиемс оцязоравакс масторстонза инь мазы стирть. Тянкса мярьгондевсь кочкамс сембе мазы стирьхнень Суза пряошу. Тоса кемгафтува ковонь кувалма синь аноклазь оцязорть мархта васедемати.
Ульсь Сузаса фкя еврей; лемоцоль Мардохей. Сон касфтозе оцянц стиренц, Гадассань, лиякс – Эсфирень, сяс мес сянь ашель аф тядяц, аф аляц. Тя стирсь пяк мазыель ронгс-пондс и шамас. Мзярда ламоц стирьхне кочкафтольхть Суза пряошу, эста Эсфиреньге сявозь оцязоронь куду. Синь ёткстост оцязорти сембода пяк кельговсь Эсфирь. Сон путозе прязонза оцязоронь коняфксть, тиезе сонь оцязоравакс. Оцязорсь тись Эсфирень лемс оцю ила эсь ширязонзонды и видесонза покодихненди.
Эсфирь ашезе азонкшне, кодама сон юромста и ломаньтналста, тяфта тонафтозе Мардохей.
Тяда меле оцязорсь путозе фкя ширязонц, Аманонь, оцю вастс, кеподезе лия ширязда вяри. Оцязорть видеса сембе покодихне сюконякшнесть и прашендсть плманжа лангс Аманонь инголе; тяфта кошардсь оцязорсь. Мардохей ашезь сюконякшне, ашезь арсе плманжа лангс. Лаказевсь кяжса Аман, арьсесь машфтомс сембе еврейхнень Артаксерксонь марнек масторста.
Аман мярьгсь Артаксеркс оцязорти: "Ули фкя ломаньтнал, кона срафнеф масторцень сембе аймакова, синь аф пяшкотькшнесазь оцязорть коензон". Оцязорсь мярьгсь Аманонди: "Тихть мархтост мезе мяльце". Масторть сембе уженяванза кулянь пачфнихнень вельде кучфтольхть сёрмат, конатнень эса мярьгондевсь фкя шиста машфтомс сембе еврейхнень, а уликсснонпаршиснон сявомс. Сембе аймакова, вастова, коза пачкотькшнесь оцязорть кошардомац, прашендсь еврейхнень лангс оцю ризф, синь постовасть, авардсть, явсесть, кода явсекшнесазь кулофнень.
полатксоц моли
242 
