Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИЛИЯ И ВААЛОНЬ ШКАЙМАРЯЕНЗА
Весть Азорсь кучезе Илиянь Ахав оцязорти эняльдема, кле, катк ся кочкасыне Ваалонь и Астартань шкаймаряйснон, сембе ломаньтналтьке Кармил панда пряв. Мзярда сембе пуромсть панда пряв, Илия пшкядсь тейст: «Нинге ламос тейнть вельсемс кафта пяли? Кда Азорсь – Шкайсь, эста моледа мельганза, кда Ваал, эста сянь мельге моледа». Кивок каршезонза вал ашезь прафта. Эста Илия мярьгсь ломаньтналти:
"Мон ськамон илядонь Азорти шкаймаряйкс, Ваалонь шкаймаряйдонза ниле сятт ведьгемонь ломань. Максода тейнек кафта од букат. Катк Ваалонь шкаймаряенза печксазь фкя букать и путсазь пенгя лангс, аньцек тол тяст крьвясне. Мон анокласа омбоце букать, тол аф крьвястян. Катк синьге серьгядьсазь эсь шкайснон, монга серьгядьса Азорть, Шкаезень. Ся шкайсь, кона пшкяди каршезонк тол вельде, ся ули эрек Шкайсь..." Марнек ломаньтналсь мярьгсь: "Пара".
Ваалонь шкаймаряенза путозь букать пенгя лангс и ушедсть серьгятькшнема: "Ваал! Кулемасть!" Шиньберьф синь юватькшнесть ёнень шорявомс, аньцек кивок каршезост ашезь пшкяде. Эста Илия мярьгсь марнек ломаньтналти: "Сада малазон". Мзярда сембе маладсть, сон сявсь кемгафтува кев и тись эздост алтарь, марась лангозонза пенгат, печкозе букать и путозе пенгятнень лангс. Тяда меле алтарть лангс колмоксть каяфтсь нилень ведарка ведь, нльне перьфканза шувф лотксь пяшкодсь ведьта. Сяльде Илия ушедсь озондома:
«Азорсь, Авраамонь, Исааконь, Израилень Шкайсна! Содазазь тячи, тон ськамот Израильса Шкайсь, и мон урецян, и семботь тиине валцень коряс. Кулемак, Азорозе! Содаза тя ломаньтналсь, тон, Азороньке, ськамот Шкайсь. Кулемак и шарфтыть эсь ширезт синь седиснон». Азорсь кулезе озондоманц, кучсь менельста тол, кона плхтазень озказнеть, пенгятнень, нльне алтарень кефненьге. Тянь няемста сембе прашендсть комада, мярьгсть: «Азорсь – афкуксонь Шкайсь!»
Тяфта Азорсь няфтезе сембонди, сон – ськамонза эрек Шкайсь, а Ваалонь шкаймаряенза – нят васькафнихть.
ОЦЯЗОРХТ 3-ЦЕСЬ 18:18-39
196 
