Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
УДАВАТЬ ЦЁРАНЦ ВЕЛЬМАМАЦ
Мзяра пингонь ётазь шудерькссь, конаста Илия сявондсь симомс ведь, коськсь. Эста Шкайсь кошардозе сонь молемс Сидононь Сарепта ошу и сувамс эряма фкя удавать пяли. Пялонза самста Илия анась авать кядьста ведь и кши суском. Удавась эрясь цёранянц мархта и ульсь пяк ашу. Сон азозе Илиянди, курмозь почфта и сяканя потмаксса аф лама вайняда башка, мезецка аш. Шкаймаряйсь каршезонза пшкядсь: «Тят пеле... Почфсь парьнясот аф аделави, сяканясот вайське аф кири ся шить самс, мзярс Азорсь аф максы модати пизем».
Илия шкаймаряйсь лоткась эряма удавать пяли. Азорсь тись ацермань тев: синь эрь шиня панцть кши, аньцек вайсь и почфне ашесть аделсев, кода инголькиге азозе Илия.
Курок удавать цёрац сярятькстсь и кулось. Ризнай авась арьсесь: Шкайсь пантфтозе шумонц кунардонь пежетензон инкса. Авась сельмоведьботмоса кандозе шкаймаряйти кулоф иднянц. Илия мярьгсь: «Макск тейне цёрацень». Сон сявозе кядьстонза кулоф цёранять и кандозе эсь кудбяльксозонза. Путозе удома вастозонза, озондозь пшкядсь Шкайти: «Азор, Шкаезе! Кали тон тият кальдяв тя удавати, кулофтсак цёранянц?» Сяльде сон колмоксть венемсь цёранять вельхксс, мярьгсь Шкайти: «Азор, Шкаезе! Мрдаза иднять ваймоц эзонза!» Азорсь кулезе озондоманц и вельмофтезе удавать цёранянц. Илия кандозе сонь меки тядянцты, мярьгсь: «Ватт, цёраце шиса». Кеняртьф авась мярьгсь шкаймаряйти: «Тяни мон содайне, тон Шкаень ломанят, Шкаень валське кургсот афкуксонь».
ОЦЯЗОРХТ 3-ЦЕСЬ 17:7-24
194 
