Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВЕДТЬ И ВАЙТЬ МАРХТА ТИФ АЦЕРМАТ
Илияда меле Шкайсь тиезе инь оцю шкаймаряйкс Елисеень и тиендсь вельденза лама ацерма. Весть Ерихонца Елисеенди састь ошэряйхне, мярьгсть: "Няк, ошть ащема вастоц пара, аньцек ведсь кальдяв и сяс модась аф шачфты". Елисей мярьгсь максомда тейнза од кече и каямс эзонза сал. Сяльде сон мольсь лихтибряти, ёрдазе тов салть, мярьгсь, кле, Азорсь петьсы ведть. Ведсь лихтибряса петевсь, и тяда меле сон ульсь найцебярь.
Сяльде Елисеенди сась удава и авардезь азондозе тейнза эсь ризфонц. Мирденц куломда меле тя авати ашезь пандов шумоц, сяс ломанць, конанди шумуволь, срхкась сявомс кафцьке цёранзон эстейнза уренди. Елисеень мялецоль лездомс авати, кизефтезе: "Азк, мезе ули кудсот?" Авась каршезонза: "Вай мархта кядьгоняда башка, мезевок аш". Шкаймаряйсь мярьгсь тейнза: "Анак шабратнень кядьста шава кядьгот, сувак цёратнень мархта куду и пякстак кенкшть. Эсь кядьгонястот кайсек вай сембе ня кядьготненди; пяшксетнень латцить фкя пяли".
Авась тусь и тись стане, кода мярьгсь Елисей. Анась шабранзон кядьста кядьгот, пякстазе мельганза куд кенкшенц, и цёранзон мархта кармась кайсема вай эсь кядьгонястонза. Сон пяшкодсь лама кядьге, а вайсь эсь кядьгонясонза ашезь аделсев. Сон мярьгсь цёранцты: "Макст тейне тага кядьге". Ся каршезонза: "Сяда лама кядьге аш". Тя ёткть удавась няезе: эсь кядьгонястонзонга вайсь аделавсь.
Сяльде авась мольсь Елисеенди и азондозе, мезе лиссь. Елисей мярьгсь: "Архт, мик тя вайть и пандыть шумотнень. Мезе ляды, сянь лангс кармат эряма цёратнень мархта".
ОЦЯЗОРХТ 4-ЦЕСЬ 2:19-22; 4:1-7
198 
