Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИЛИЯ ШКАЙМАРЯЙСЬ
Ётнесть кизот. Полафнесть оцязорхне, и вов Израильса кармась оцязорондама Ахав – израилень оцязорхнень ёткста инь визьксфтомось. Сонь рьвацоль виде шкайфтома, лемоцоль Езавель. Авась тяряфнесь машфтомс афкуксонь Шкайти кемайхнень, корхтазе Ахавонь сюконякшнемс Ваал шкайти и нльне путомс тейнза шкайкуд.
Ся пингть Израильса эрясь Илия – виде шкаймаряй, кона сембонь тернезень шарфтомс эрек Шкайти.
Ахав и Езавель афолезь няе и панцезь Илиянь сянкса, мес сон сргозьфнесь каендама лама ломанень седиса. Ся пингть Израилень ломаньтналсь аердсь Азоронь киста и кармась сюконякшнема эсь тиф шкаенди. Тянкса Шкайсь кучсь ломаньтналть лангс зиян: колма пяле мархта кизот Израилень модаса ашель пизем. Сембось коськсь. Илия инголькиге азозе Ахавонди коське пингть саманц. Сяс Ахав ёразе шавомс шкаймаряйть, и вешендезе сонь. Азорсь мярьгсь Илиянди кяшемс Ахавонь эзда фкя шава вастс, шудерьксть видес. Шкайсь кошардозень кранчнень каннемс шкаймаряйти эрь шобдаваня и илядня кши и сиволь, а симоманц Илия явафнезе шудерьксста ведьса.
ОЦЯЗОРХТ 3-ЦЕСЬ 17:1-6
192 
