Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЕРИХОНТЬ СЯВОМАЦ
Мзярда Израилень ломаттне маладсть Ерихонти, ерихононь оцязорсь пякстафтозень ошень сембе ортатнень. Азорсь мярьгсь Навинонь Исусонди: «...Вов, мон максса кядезт Ерихонть и сонь оцязоронцка, тостонь вии ломаттненьге. Катк ушманонте шити весть шарыхть ошть перьф. Тяфта тиендеда кота шит. Сисем озксвятихне катк кандыхть илань тяшкстамань сисем турамат сотксонь арзять инголе. А сисемце шиня сисемксть шарода ошть перьф, озксвятихне тураст турамасост. Мзярда туразеви илань тяшкстамань сюрось и кульсасть тураманц, эста марнек ломаньтналсь ювадеза кайги вайгяльса. Эста ошть перяфксоц срады юрс, и марнек ломаньтналсь сувай ошу».
Тор мархтотне мольсть турамаса турай озксвятида инголе; арзять мельге аськоляйхневок турасть турамаса. Исус кардазе ломаньтналть: "Тяда юватькшне, афолезь куле вайгялентень. Валга тяда прафне кургстонт ся шить самс, мзярс аф мярьган: 'Ювадеда!' Эста ювадеда". Тяфта Азорть сотксонь арзянц весть шарфтозь ошть перьф, мрдасть лоткама вастозост, удость тоса. Омбоце шинявок тякокс шарозь весть, мрдасть лоткама вастозост. Тиендсть тяфта кота шит. Сисемце шиня, мзярда озксвятихне сисемцеда турасть турамаса, Исус мярьгсь ломаньтналти: "Ювадеда! Азорсь максозе тейнть ошть!". Кодак ломаньтналсь кулезе турамать вайгяленц, ювадсь кайги вайгяльса; ошень перяфкссь срадсь юрс, и ломаньтналсь сувась ошу, эрьсь эсь пяльденза, сявозь ошть.
Салава кафта ваныхне Ерихонца улемстост надияфтсть идемс Раавонь и сонь мала ломанензон. Тяни синь пяшкодезь валснон, лихтезь синь ошста. Тяда меле Ерихон ошсь плхтафоль.
НАВИНОНЬ ИСУС 6:1-24
132 
